Xorazmdan mototsikl sotib olgan qoraqalpog‘istonlik fuqaro yo‘l-transport hodisasi oqibatida halok bo‘ldi. Bu haqda “Yoshlar” telekanalining “Yangi davr” informatsion dasturida ma’lum qilindi.
Ma’lum qilinishicha, amudaryolik 29 yoshli fuqaro yuk tashish uchun mo‘ljallangan mototsikl sotib olish uchun Xorazmga borgan. Fuqaro mototsiklda qaytayotgan vaqtida boshqaruvni yo‘qotgan va yo‘l-transport hodisasi sodir bo‘lgan. Oqibatda tan jarohatlari bilan shifoxonaga yetkazilgan haydovchi ko‘rsatilgan tez yordamga qaramay, vafot etgan.
Mutaxassislarning fikricha, avariya yo‘llarning notekisligi sabab yuzaga kelgan.
“Mazkur yo‘lda yo‘l chiziqlari o‘chib ketgani, bir qancha notekisliklar borligi va buni ko‘rsatuvchi yo‘l belgilari yo‘qligi aniqlandi”, — deydi Qoraqalpog‘iston Respublikasi YHXB inspektori Elbek Rajabov.
Avvalroq Namanganda mototsikl urib ketishi oqibatida ikki fuqaro shifoxonaga yotqizilgani, Toshkentda Matiz va Nexia to‘qnashuvi oqibatida uch kishi jarohatlangani, Chiroqchida YPX inspektori boshqaruvidagi Lacetti ishtirokida YTH sodir bo‘lgani to‘g‘risida xabar berilgandi.
Izoh (0)