Investitsiyalar va tashqi savdo vazirining birinchi o‘rinbosari Laziz Qudratov zimmasiga Strategik rivojlanish agentligi bosh direktori vazifasini bajarish yuklatildi, deb xabar beradi Telegram’dagi “Nigoh” kanali.
Eslatib o‘tamiz, Strategik rivojlanish agentligi “O‘zbekiston Respublikasi Strategik rivojlanish agentligini tashkil etish chora-tadbirlari to‘g‘risida”gi Prezident farmoniga ko‘ra tashkil etilgan.
Ma’lumot uchun, Laziz Qudratov 2019-yil oktabrda investitsiyalar va tashqi savdo vazirining birinchi o‘rinbosari etib tayinlangan edi. Laziz Qudratov (1981-yilda tug‘ilgan) Toshkent davlat sharqshunoslik instituti, Xosey universitetini (Yaponiya) tamomlagan. Muqaddam Tashqi iqtisodiy aloqalar, investitsiyalar va savdo vazirligida turli lavozimlarda ishlagan. O‘zbekistonning AQShdagi elchixonasida savdo-iqtisodiy masalalar bo‘yicha maslahatchi, so‘ngra “O‘zinfoinvest” agentligining axborot ta’minoti va xorijiy investitsiyalarni qo‘llab-quvvatlash masalalari bo‘yicha direktori bo‘lgan.
Izoh (0)