Tashqi mehnat migratsiyasi agentligi Germaniyada ishlashni xohlovchi tibbiyot xodimlari uchun vakansiya e’lon qildi
Tashqi mehnat migratsiyasi agentligi hamda Germaniyaning NoVo Agency e.K. tashkiloti o‘rtasidagi hamkorlik kelishuviga asosan tibbiyot sohasida oliy yoki o‘rta-maxsus ma’lumotga ega fuqarolar ishga taklif qilinadi. Bu haqda agentlik matbuot xizmati xabar berdi.
Foto: “RIA Novosti”
Bo‘sh ish o‘rni bo‘yicha ma’lumot:
hamshira va shifokor assistenti;
to‘liq bandlik;
yuqori oylik maosh;
haftasiga 40 soatlik mehnat grafigi.
Nomzodlar uchun talablar:
35 yoshgacha bo‘lish;
tibbiyot sohasida oliy yoki o‘rta-maxsus diplom;
nemis tilini B2 darajada bilish;
ish tajribasiga ega bo‘lish.
Avvalroq BAA o‘zbekistonlik ayollarni uy xizmatchisi, enaga va oshpaz sifatida ishga olmoqchiligi, Tashqi mehnat migratsiyasi agentligi xabar berishicha, agentlik Kanada ish beruvchilari bilan muzokaralar o‘tkazayotgani to‘g‘risida xabar berilgandi.
Ma’lumotlarga ko‘ra, 1,7 million o‘zbekistonlik chet elda, asosan, Rossiya va Qozog‘istonda mehnat qilmoqda. Mamlakat aholisining 55 foizdan ortig‘i yoshlardan iboratligi hamda yiliga mehnat bozoriga 600 mingga yaqin ishchi kuchi kirib kelayotgani ma’lum qilindi.
Izoh (0)