Инвестициялар ва ташқи савдо вазирининг биринчи ўринбосари Лазиз Қудратов зиммасига Стратегик ривожланиш агентлиги бош директори вазифасини бажариш юклатилди, деб хабар беради Telegram’даги «Нигоҳ» канали.
Эслатиб ўтамиз, Стратегик ривожланиш агентлиги «Ўзбекистон Республикаси Стратегик ривожланиш агентлигини ташкил этиш чора-тадбирлари тўғрисида»ги Президент фармонига кўра ташкил этилган.
Маълумот учун, Лазиз Қудратов 2019 йил октябрда инвестициялар ва ташқи савдо вазирининг биринчи ўринбосари этиб тайинланган эди. Лазиз Қудратов (1981 йилда туғилган) Тошкент давлат шарқшунослик институти, Хосей университетини (Япония) тамомлаган. Муқаддам Ташқи иқтисодий алоқалар, инвестициялар ва савдо вазирлигида турли лавозимларда ишлаган. Ўзбекистоннинг АҚШдаги элчихонасида савдо-иқтисодий масалалар бўйича маслаҳатчи, сўнгра «Ўзинфоинвест» агентлигининг ахборот таъминоти ва хорижий инвестицияларни қўллаб-қувватлаш масалалари бўйича директори бўлган.
Изоҳ (0)