Jizzax viloyati G‘allaorol tumanida Cobalt va yuk mashinasi ishtirokida YTH sodir bo‘ldi, deya xabar qilmoqda YHXBB matbuot xizmati.
Dastlabki ma’lumotlarga ko‘ra, 2021-yil 16-avgust kuni soat 17:00 larda Jizzax viloyati, G‘allaorol tumani hududidan o‘tgan M-39 avtomobil yo‘lining 1005-kilometrida haydovchi, 1995-yilda tug‘ilgan X.M. boshqaruvidagi Cobalt rusumli yengil avtomobil hamda haydovchi, 1992-yilda tug‘ilgan O.J. boshqaruvida bo‘lgan “ZIL” rusumli yuk avtomobili ishtirokida to‘qnashuv sodir bo‘lgan.
Oqibatda Cobalt rusumli avtomobil yo‘lovchisi U.Q. og‘ir tan jarohatlari olib, voqea joyida halok bo‘lgan. Shuningdek, yo‘lovchi M.S. tan jarohati bilan shifoxonaga olib ketilgan.
Mazkur YTH yuzasidan G‘allaorol tumani IIB huzuridagi TB tomonidan dastlabki tergovoldi surishtiruv harakatlari olib borilmoqda.
Bundan avval Toshkentda 7 ta avtomobil ishtirokida YTH sodir bo‘lgani, Namanganda Damas va Nexia to‘qnashuvi oqibatida haydovchilardan biri vafot etgani hamda Jahongir Xo‘jayevning Mustang’i avariyaga uchragan vaqtda rulda boshqa odam bo‘lgani aniqlangani haqida xabar berilgandi.
Izoh (0)