“Tolibon” harakati Farax viloyatining xuddi shu nomdagi ma’muriy markazi hisoblanuvchi shaharni egalladi. Bu haqda harakat yetakchisi Zabihullo Mujohid Twitter’da ma’lum qilgan, deya xabar bergan “Korrespondent.net”.
“Tolibon” harakati jangchilari “Al-Fatx” operatsiyasi vaqtida Farax viloyatining ma’muriy markazini egalladi”, — deb yozgan Mujohid.
“Tolibon” gubernator ma’muriyatini o‘z nazoratiga olgan. Bayonotga ko‘ra, endi harakat vakillari Afg‘oniston hukumatining qo‘shinlarini boshqa shahar hamda hududlardan siqib chiqarishni maqsad qilmoqda.
Afg‘onistonning Tolo News telekanali ham “Tolibon”ning Faraxning katta qismini egallagani, xususan, politsiya nazoratidagi maskanlarni nazoratga olganini xabar qilgan.
Avval “Tolibon”ning Afg‘onistondagi bir nechta viloyat markazlarini egallagani haqida xabar berilgandi. Harakat jangarilari Afg‘onistonning shimoliy hududlarida faollikni kuchaytirgan. 120 ga yaqin shaharlar “Tolibon” guruhi vakillarining ixtiyoriga o‘tgan.
Shuningdek, BMT Afg‘onistondagi tomonlarni zudlik bilan o‘t ochishni to‘xtatishga chaqirgan, AQSh Mudofaa vazirligi (Pentagon) Afg‘onistondagi vaziyat yomonlashganini ma’lum qilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)