Bugun,

  • USD 11095.31
  • RUB 173.84
  • EUR 10772.44

Birlashgan Millatlar Tashkilotining insonparvarlik yordami koordinatori Martin Griffits Afg‘onistondagi tomonlarni zudlik bilan sulhga chaqirdi, deb yozadi “Interfaks”.

Foto: Unsplash

Foto: Unsplash

“Afg‘onistonlik bolalar, ayollar va erkaklar har daqiqada o‘z hayoti uchun xavf tug‘diradigan sharoitda yashamoqda va ko‘p qiyinchiliklarga duch kelmoqda. O‘tgan bir oy mobaynida Helmand, Qandahor va Hirot viloyatlariga tartibsiz hujumlar oqibatida kamida ming kishi halok bo‘ldi”, — deydi Griffits, BMT saytidan iqtibos keltirgan holda.

“Men bugun BMT bosh kotibi va Xavfsizlik kengashi a’zolari bilan hamfikrlikda tinch aholiga qilingan hujumlarni keskin qoralayman, o‘t ochishni to‘xtatishga chaqiraman”, — deyiladi Griffits bayonotida.

Uning so‘zlariga ko‘ra, gumanitar tashkilotlar Afg‘onistonda qolib, afg‘on xalqiga yordam berishda davom etadi.

“Ular betaraflikni saqlaydi va o‘z vazifalarini xolis bajaradi, lekin ularga aholiga tovar va yordamlarni hech qanday to‘siqsiz yetkazib berishi uchun ruxsat va kafolat kerak”, — deya qo‘shimcha qildi BMTning yuqori lavozimli mulozimi.

Griffits xalqaro qonun ziddiyat ishtirokchilarining barchasiga tinch aholini himoya qilish va insonparvarlik yordamidan foydalanishni ta’minlash majburiyatini yuklaganini eslatib o‘tdi.

“Afg‘onistonning xavfsiz va farovon kelajagi tinchlik muzokaralarining muvaffaqiyatli bo‘lishiga bog‘liq”,— deydi Griffits.

Shu bilan birga, YuNISEF Afg‘onistondagi vaziyatning keskin yomonlashayotganidan ham hayratda, ham g‘azabda ekanini bildirdi: “Oxirgi 72 soat ichida Qandahor viloyatida kamida 20 bola halok bo‘ldi, 130 bola yaralandi, Xostda ikki bola yaralandi, Paktiya viloyatida 5 bola halok bo‘ldi, 3 bola jarohat oldi”.

“Bu shunchaki raqamlar emas”, — deyiladi BMT Bolalar fondi bayonotida.

“Har bir o‘lim va jismoniy azob-uqubat — bu fojia, biz kimningdir sevimli qizlari va o‘g‘illari, aka-uka, opa-singillari, qarindoshlari va do‘stlari haqida gapiryapmiz. Urishayotgan tomonlar bu bolalarning muhofazalanish huquqini qo‘pol ravishda buzib, xalqaro qonunlarni e’tiborsiz qoldirdi ”, — deyiladi BMT saytida e’lon qilingan bayonotda.

“Tolibon” 9-avgust kuni Afg‘oniston shimolidagi Samangan viloyati markazi Aybak shahrini o‘z nazoratiga oldi. Bu haqda ushbu viloyat gubernatorining o‘rinbosari Sefatulloh Samanganiyga tayanib, g‘arb matbuoti xabar qilgan.

OAV ma’lumotlariga ko‘ra, bu Afg‘onistonda “Tolibon” tomonidan qo‘lga olingan viloyat markazi miqyosidagi oltinchi shahar. Aybak masalasida mahalliy oqsoqollar hukumatni shaharda jangovar harakatlarga yo‘l qo‘ymaslikka chaqirganidan so‘ng, ‘Tolibon’ shaharga jangsiz kirgan. “Gubernator bunga rozi bo‘lib, barcha qo‘shinlarni shahardan olib chiqib ketdi”, — dedi Samanganiy va endi “Tolibon” Aybakni to‘liq nazorat qilayotganini qo‘shimcha qildi.

AQSh 9-avgust kuni Afg‘oniston kuchlariga yordam berish uchun B-52 strategik bombardimonchi samolyotlarini va quruqlikdagi kuchlarni qo‘llab-quvvatlovchi AC-130 samolyotlarini yubordi.

Izoh
Asosiy yangiliklar
Dunyo
“KamAZ”da harbiylarni bosib ketgan: Qozog‘istonda yanvar voqealari ishtirokchisi 17 yilga qamaldi (video)
Mahalliy
O‘zbekistonda koronavirusga chalinganlar soni yana oshdi: so‘nggi sutkada 141 kishida kasallik qayd etildi
Dunyo
Alibaba asoschisi Jek Ma Xitoyni tark etgani ma’lum bo‘ldi