«Толибон» ҳаракати Фарах вилоятининг худди шу номдаги маъмурий маркази ҳисобланувчи шаҳарни эгаллади. Бу ҳақда ҳаракат етакчиси Забиҳулло Мужоҳид Twitter’да маълум қилган, дея хабар берган «Korrespondent.net».
«Толибон» ҳаракати жангчилари «Ал-Фатх» операцияси вақтида Фарах вилоятининг маъмурий марказини эгаллади», — деб ёзган Мужоҳид.
«Толибон» губернатор маъмуриятини ўз назоратига олган. Баёнотга кўра, энди ҳаракат вакиллари Афғонистон ҳукуматининг қўшинларини бошқа шаҳар ҳамда ҳудудлардан сиқиб чиқаришни мақсад қилмоқда.
Афғонистоннинг Tolo News телеканали ҳам «Толибон»нинг Фарахнинг катта қисмини эгаллагани, хусусан, полиция назоратидаги масканларни назоратга олганини хабар қилган.
Аввал «Толибон»нинг Афғонистондаги бир нечта вилоят марказларини эгаллагани ҳақида хабар берилганди. Ҳаракат жангарилари Афғонистоннинг шимолий ҳудудларида фаолликни кучайтирган. 120 га яқин шаҳарлар «Толибон» гуруҳи вакилларининг ихтиёрига ўтган.
Шунингдек, БМТ Афғонистондаги томонларни зудлик билан ўт очишни тўхтатишга чақирган, АҚШ Мудофаа вазирлиги (Пентагон) Афғонистондаги вазият ёмонлашганини маълум қилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)