iPhone 13 smartfonlari Apple muxlislari uzoq yillardan buyon kutayotgan yangilanishga — keng sig‘imli akkumulyatorlarga ega bo‘ladi, deb yozadi IXBT.
Protsessor qanchalik tez yoki suratlarni qanday tezlikda qayta ishlashi smartfon batareyasi tushlikka borib “o‘tirib” qolsa, ahamiyatsiz. iPhone’ning muntazam foydalanuvchilariga esa ushbu hissiyot begona emas. Har safar yangi avlod taqdim etilganida testlar iPhone avtonomligi yaxshilanayotganini ko‘rsatmoqda, biroq o‘zgarish kutilganidek bo‘lmayapti.
Nashr manbasi yangi avlod qurilmalari ega bo‘ladigan akkumulyatorlarning aniq sig‘imini e’lon qilgan: iPhone 13 Pro Max — 4352 mA/soat (iPhone 12 Pro Max’da 3687 mA/soat), bir xil ekranga ega iPhone 13 va iPhone 13 Pro modellariga — 3095 mA/soat (2816 mA/soat o‘rniga). iPhone 13 mini’ning akkumulyator sig‘imi 2227 dan 2406 mA/soatga qadar oshadi.
Shuningdek, ma’lumotlarga ko‘ra, bir kristalli Apple A15 tizimi smartfonlarning energiya sarfini 15-20 foizga tejash imkonini beradi. Bundan tashqari, qurilmalar adaptiv tasvir yangilanish chastotasiga ega yangi ekranlarga ega bo‘ladi.
Avvalroq internetda iPhone 13 Pro’ning quvvatlantirish “razyom”isiz tasvirlangan suratlari tarqalgan, Apple kompaniyasi iPhone 13 modellari taqchil bo‘lishidan ogohlantirgan edi.
Izoh (0)