Toshkentda 21 yoshli yigit bankomatni buzib, pullarni o‘g‘irlamoqchi bo‘lganida qo‘lga tushdi

Toshkentda 21 yoshli yigit bankomatni buzib, pullarni o‘g‘irlamoqchi bo‘lganida qo‘lga olindi. Bu haqda Milliy gavrdiya matbuot xizmati xabar berdi.

8-avgust kuni tungi soat 01:00 da Yashnobod tumani Parkent ko‘chasida joylashgan ATB “Turon Bank” Yashnobod filiali bankomatidan Milliy gvardiyaning ushbu tumandagi Qo‘riqlash bo‘limiga “tashvish” xabari kelib tushgan.

Xabarga asosan zudlik bilan voqea joyiga yetib borgan tezkor guruh xodimlari bankomatni buzishga harakat qilayotgan noma’lum shaxsni qo‘lga olgan.

Dastlabki surishtiruv ishlari natijasida ushbu fuqaro 2000-yilda Toshkent viloyati Parkent tumanida tug‘ilgan J.Q. ekanligi aniqlangan.

Qayd etilishicha, hozirda holat yuzasidan Yashnobod tumanidagi 2-sonli IIB tomonidan surishtiruv ishlari olib borilmoqda.