Тошкентда 21 ёшли йигит банкоматни бузиб, пулларни ўғирламоқчи бўлганида қўлга олинди. Бу ҳақда Миллий гаврдия матбуот хизмати хабар берди.
8 август куни тунги соат 01:00 да Яшнобод тумани Паркент кўчасида жойлашган АТБ «Турон Банк» Яшнобод филиали банкоматидан Миллий гвардиянинг ушбу тумандаги Қўриқлаш бўлимига «ташвиш» хабари келиб тушган.
Хабарга асосан зудлик билан воқеа жойига етиб борган тезкор гуруҳ ходимлари банкоматни бузишга ҳаракат қилаётган номаълум шахсни қўлга олган.
Дастлабки суриштирув ишлари натижасида ушбу фуқаро 2000 йилда Тошкент вилояти Паркент туманида туғилган Ж.Қ. эканлиги аниқланган.
Қайд этилишича, ҳозирда ҳолат юзасидан Яшнобод туманидаги 2-сонли ИИБ томонидан суриштирув ишлари олиб борилмоқда.
Изоҳ (0)