Tokio—2020 Olimpiadasining futbol bahslari finalidan o‘rin olgan Braziliya va Ispaniya olimpiya terma jamoalari o‘rtasidagi o‘yin 7-avgust kuni bo‘lib o‘tdi.
Birinchi bo‘limga qo‘shib berilgan vaqtda Mateus Kunya braziliyaliklarni oldinga olib chiqqan bo‘lsa, 61-daqiqada Mikel Oyarsabal muvozanatni tikladi. Asosiy vaqtda boshqa hisob o‘zgarmadi va qo‘shimcha bo‘limlarga murojaat qilindi.
108-daqiqada Malkom raqib himoyasidagi xatodan unumli foydalanib, Braziliyaga oltin medallarni taqdim etgan golga muallif bo‘ldi.
Shu tariqa Braziliya ketma-ket ikkinchi Olimpiadada oltin medalga ega chiqdi. Rio—2016 o‘yinlarida ham Braziliya g‘olib bo‘lgandi.
Olimpiada, futbol
Final bahsi
7-avgust, shanba
Braziliya U-23 — Ispaniya U-23 2:1
Gollar: 1:0 – 45 Mateus Kunya, 1:1 – 61 Oyarsabal, 2:1 – 108 Malkom.Braziliya U-23: Santos, Arana, Nino, Diyego Karlos, Dani Alves, Bruno Gimaraes, Duglas Luis, Antoni (Gabriel Menino, 112), Mateus Kunya (Malkom, 90), Risharlison (Paulinyo, 114), Klaudinyo (Reyniyer, 105).
Ispaniya U-23: Unai Simon, Pau Torres, Erik Garsiya, Xil (Valexo, 90), Pedri, Merino (Soler, 46), Oyarsabal (Rafa Mir, 104), Olmo, Asensio (Xil, 46), Subimendi (Monkayola, 112), Kukurelya (Miranda, 90).
Ogohlantirishlar: Arana (20), Erik Garsiya (27), Risharlison (31), Mateus Kunya (65), Duglas Luis (89), Xil (105).
Izoh (0)