Токио—2020 Олимпиадасининг футбол баҳслари финалидан ўрин олган Бразилия ва Испания олимпия терма жамоалари ўртасидаги ўйин 7 август куни бўлиб ўтди.
Биринчи бўлимга қўшиб берилган вақтда Матеус Куня бразилияликларни олдинга олиб чиққан бўлса, 61-дақиқада Микель Ойарсабаль мувозанатни тиклади. Асосий вақтда бошқа ҳисоб ўзгармади ва қўшимча бўлимларга мурожаат қилинди.
108-дақиқада Малком рақиб ҳимоясидаги хатодан унумли фойдаланиб, Бразилияга олтин медалларни тақдим этган голга муаллиф бўлди.
Шу тариқа Бразилия кетма-кет иккинчи Олимпиадада олтин медалга эга чиқди. Рио—2016 ўйинларида ҳам Бразилия ғолиб бўлганди.
Олимпиада, футбол
Финал баҳси
7 август, шанба
Бразилия U-23 — Испания U-23 2:1
Голлар: 1:0 – 45 Матеус Куня, 1:1 – 61 Ойарсабаль, 2:1 – 108 Малком.Бразилия U-23: Сантос, Арана, Нино, Диего Карлос, Дани Алвес, Бруно Гимараэс, Дуглас Луис, Антони (Габриэль Менино, 112), Матеус Куня (Малком, 90), Ришарлисон (Паулинё, 114), Клаудинё (Рейниер, 105).
Испания U-23: Унаи Симон, Пау Торрес, Эрик Гарсия, Хил (Валехо, 90), Педри, Мерино (Солер, 46), Ойарсабаль (Рафа Мир, 104), Олмо, Асенсио (Хил, 46), Субименди (Монкайола, 112), Кукурелья (Миранда, 90).
Огоҳлантиришлар: Арана (20), Эрик Гарсия (27), Ришарлисон (31), Матеус Куня (65), Дуглас Луис (89), Хил (105).
Изоҳ (0)