Yaponiyaning Tokio shahri mezbonlik qilayotgan Olimpiya o‘yinlarida o‘zbekistonlik sportchilar 6-avgust kungi chiqishlarini yakunladi.
Kanoeda eshkak eshish
Juftlik bahslarida O‘zbekiston sharafini himoya qilayotgan Dilnoza Rahmatova hamda Nilufar Zokirova 500 metr masofaga o‘tkazilgan saralash bahslarida 2:04.854 daqiqa vaqt sarflab, to‘rtinchi o‘rinni egalladi va chorak finalda qatnashadigan bo‘ldi. Juftlik chorak finalda 2:04.450 daqiqada ikkinchi bo‘lib marraga yetib keldi va yarim final yo‘llanmasiga ega chiqdi. 7-avgust kuni Rahmatova va Zokirova final yo‘llanmasi uchun bahs olib boradi.
Badiiy gimnastika
Koronavirus sabab ko‘pkurash bahslarida qatnasha olmagan Sabina Toshkenboyeva o‘rnini Yekaterina Fetisova egalladi. Bellashuvlar bir kun qolganda chiqish qilishini bilgan Fetisova kutilganidek yaxshi natija qayd eta olmadi va 24-o‘rinni egalladi.
Erkin kurash
Rio—2016 Olimpiadasi sovrindori Magomed Ibragimov (-97 kg) dastlabki bellashuvda turkiyalik Sulaymon Karadenizga yutqazib qo‘ydi. O‘z navbatida Karadeniz final yo‘llanmasi ega chiqolmadi va Ibragimov uchun Olimpiya o‘yinlari yakunlandi
Yana bir erkin kurashchi Bekzod Abdurahmonov (-74 kg) bronza medali uchun o‘tish bahsida Gvineya-Bissau vakili Augusto Midanani taslim etdi. Bekzod bronza medali uchun qozog‘istonlik Daniyar Kaysanovga qarshi gilamga chiqdi va raqibiga hech qanday imkon qoldirmadi.
Mavzuga doir: Tokio Olimpiadasi sovrindori Bekzod Abdurahmonov va O‘zbekiston bayroqdori Nigora Tursunqulova turmush quradi
Zamonaviy beshkurash
Ushbu sport turida Olimpiya o‘yinlarida qatnashgan ilk o‘zbekistonlik Alise Faxrutdinova umumiy 1165 ochko to‘plab, 30-pog‘onadan joy oldi.
7-avgust kuni erkaklar o‘rtasidagi bahslarda Aleksandr Savkin O‘zbekiston sharafini himoya qiladi.
Izoh (0)