O‘zbekiston Savdo-sanoat palatasi “Amazon.com” platformasidan foydalanish uchun ilk bor o‘zbek tilidagi qo‘llanma ishlab chiqdi. Bu hada palata matbuot xizmati xabar berdi.
Qayd etilishicha, qo‘llanma ikki qisimdan iborat bo‘lib, birinchi qism platformaning imkoniyatlari, unda savdo-sotiq ishlarini amalga oshirish shartlari kabi mavzularda ma’lumotlar berib o‘tilgan.
Qo‘llanmaning ikkinchi qismi esa “Amazon.com” elektron savdo platformasida sotuvchi sifatida ro‘yxatdan o‘tish, platformaning mavjud tariflari, ma’lumotlarni kiritish tartibi, zarur hujjatlar haqida to‘liq va batafsil ma’lumotlar berib o‘tilgan.
“Tadbirkorlarimizni yaratilgan imkoniyatdan to‘liq foydalanishga va elektron savdo orqali mahsulotlar eksportini yanada oshirishga chorlaymiz”, — deyiladi palata xabarida.
Qo‘llanmalarni quyidagi havolalar orqali yuklab olish mumkin:
- “Amazon.com” tizimida sotuvchi sifatida ro‘yxatdan o‘tish bo‘yicha qo‘llanma
- “Amazon.com”da sotish bo‘yicha yangi foydalanuvchilar uchun qo‘llanma
Izoh (0)