Ўзбекистон Савдо-саноат палатаси «Amazon.com» платформасидан фойдаланиш учун илк бор ўзбек тилидаги қўлланма ишлаб чиқди. Бу ҳада палата матбуот хизмати хабар берди.
Қайд этилишича, қўлланма икки қисимдан иборат бўлиб, биринчи қисм платформанинг имкониятлари, унда савдо-сотиқ ишларини амалга ошириш шартлари каби мавзуларда маълумотлар бериб ўтилган.
Қўлланманинг иккинчи қисми эса «Amazon.com» электрон савдо платформасида сотувчи сифатида рўйхатдан ўтиш, платформанинг мавжуд тарифлари, маълумотларни киритиш тартиби, зарур ҳужжатлар ҳақида тўлиқ ва батафсил маълумотлар бериб ўтилган.
«Тадбиркорларимизни яратилган имкониятдан тўлиқ фойдаланишга ва электрон савдо орқали маҳсулотлар экспортини янада оширишга чорлаймиз», — дейилади палата хабарида.
Қўлланмаларни қуйидаги ҳаволалар орқали юклаб олиш мумкин:
- «Amazon.com» тизимида сотувчи сифатида рўйхатдан ўтиш бўйича қўлланма
- «Amazon.com»да сотиш бўйича янги фойдаланувчилар учун қўлланма
Изоҳ (0)