YouTube’dagi Dobre Cars kanali blogerlari Tesla Model X elektrokarini Britaniyaning Jaguar dvigateli bilan jihozlangan yengil tank bilan o‘zaro kuch sinashtirdi. Ikkita transport vositasi arqon tortishgan. Bellashuv yakunida g‘olib nomi yaqqol ma’lum bo‘lmagan — birinchi urinishda avtomobillar trossni tezda uzib yuborgan va tashkilotchilari zaxira po‘lat simdan foydalanishga majbur bo‘lgan, deb xabar beradi Motor.
CVR (T) oilasiga kiruvchi tank Scorpio kompaniyasi tomonidan 1960-yillarda Buyuk Britaniyada yaratilgan. U Folklend urushi, Bosniya mojarosi va Fors ko‘rfazidagi urush kabi ko‘plab harbiy harakatlarda ishtirok etgan.
Tank Jaguar kompaniyasi tomonidan ishlab chiqilgan olti silindrga ega 4,2 litrli dvigatel yordamida harakatga keladi. Uning quvvati 195 ot kuchiga teng bo‘lib, to‘g‘ri yo‘lda tank soatiga 80 kilometr tezlikda harakatlana oladi.
Tesla Model X elektrokrossoverining quvvati 772 ot kuchiga teng — bu o‘z klassidagi eng yaxshi ko‘rsatkichlardan biri hisoblanadi. Ushbu avtomobil “aqlli” assistentlari, xavfsizlik va haydovchiga yordam beradigan tizimlari sabab dunyodagi eng yuqori texnologik mashinadir.
Bellashuv avvalida tashkilotchilar kichikroq masofaga dreg-poyga uyushtirgan va tabiiyki bunda krossover g‘alaba qozongan. Shundan so‘ng, transport vositalari arqon tortishishga kirishgan va u darhol uzilib ketgan. Rolik mualliflari uni po‘lat muqobiliga almashtirib, sinovni davom ettirgan. Avvaliga Tesla Model X oldinga o‘tib ketgan, ammo bunga tank haydovchisining “xizmati” sabab bo‘lgan. To‘liq quvvatda bellashuvga kirishgan tank Tesla’ga hech qanday imkoniyat qoldirmagan.
Avvalroq Defender, G-Class va Jeep Wrangler o‘zaro arqon tortishgani to‘g‘risida xabar berilgandi.
Mavzuga doir: Video: Hummer va “Gelendvagen” o‘zaro arqon tortishdi
Izoh (0)