Sankt-Peterburgda 1986-yilda ishlab chiqarilgan “Moskvich” bazasida yaratilgan kupe kuzovidagi qo‘lbola maslkar sotuvga qo‘yildi. Modifikatsiya jarayonida muhandislar BMW va Toyota ehtiyot qismlaridan foydalangan. O‘ziga xos avtomobilni 765 ming rublga (10 ming dollar) xarid qilish mumkin, deb xabar beradi Motor. Bu pulga bazaviy jamlanmadagi yangi Lada Vesta’ni xarid qilsa bo‘ladi.
Klassik “Moskvich”ni kupega aylantirish uchun konstruktorlar orqa eshiklarni olib tashlagan, shuningdek, markaziy qismdagi usunlar siljitilgan. Muhandislar avtomobil kuzovini o‘z chizmalari asosida shisha plastikdan tayyorlagan. Uch eshikli maskar sovet modeli ekanligini original radiator panjarasidagi “AZLK” yozuvi va zavodda o‘rnatilgan optikasi orqali farqlash mumkin. Mashina interyeridagi detallarning aksariyatini loyiha ishtirokchilari mustaqil yaratgan. Biroq charm o‘rindiqlar BMW modellarining biridan olingan.
“Moskvich” Toyota’ning 280 ot kuchini taqdim etishga qodir 2,5 litrli 1 JZ-GTE motori yordamida harakatga keladi. Agregat BMW’ning olti pog‘onali mexanik uzatmalar qutisi yordamida boshqariladi. Bundan tashqari, muhandislar “podveska” konstruksiyasida E36 kuzovidagi 3-seriyaga kiruvchi Bavariya sedaninikidan foydalangan. Avtomobilga 18 dyuymli g‘ildirak diskalari kiygizilgan.
Sotuvchining so‘zlariga ko‘ra, qo‘lbola maslkar umumiy foydalanishdagi yo‘llarda harakatlanish uchun YHXBBdan barcha kerakli ruxsatnomalarni olgan. Natijada 100 ming kilometr yo‘l bosgan mashina 765 ming rublga baholangan.
Avvalroq Rossiyada yarim tirkamali qo‘lbola traktorga aylantirilgan “Moskvich” topilgani, pikap kuzovidagi 25 yillik noyob “Moskvich” 12 ming dollarga sotilayotgani to‘g‘risida xabar berilgandi.
Izoh (0)