Xiaomi Group texnogigantining haydovchisiz boshqariladigana avtomobili 2025-yilda borib taqdim etilishi mumkin. Hozirda avtomobil to‘rtinchi darajali avtonom tizimga ega bo‘lishi ma’lum, Xiaomi buning uchun avtonom boshqaruv bo‘linmasini ochgan. Kompaniya avvaliga 500 nafar muhandisni yollaydi: vakansiyalar ochilgani haqida Xiaomi bosh direktori Ley Szyunning o‘zi Weibo orqali ma’lum qilgan, deb xabar beradi Motor.
Xiaomi hozirga qadar o‘zi mustaqil yaratgan birorta avtomobilni taqdim etmagan bo‘lib, to‘rtinchi darajali avtopilotga ega elektrokarni yaratish niyatida. Bu SAR International darajasi bo‘yicha oxiridan bitta oldingi daraja bo‘lib, mashina boshqaruv vaqtidan inson aralashuvini talab etmaydi va mustaqil belgilangan marshrut bo‘yicha harakatlana oladi.
2021-yilning bahorida korporatsiya hamyonbop elektrokarlar ishlab chiqarish yo‘lida Great Wall bilan hamkorlik qilishini ma’lum qilgandi. Xususan, Xiaomi avtomobil ishlab chiqaruvchiga tegishli Xitoydagi zavodlarining birida o‘z mashinalarini yig‘adi. 1,5 milliard dollar sarmoya tikilgan ixtiro o‘z vaqtida yakunlansa, Xioami elektorkarlari 2023-yildan boshlab sotuvga chiqadi.
Mutaxassisning ta’kidlashicha, Apple’ning birinchi avtomobili 2024-yildan oldin taqdim etilmaydi — kompaniyaga ishlab chiqarishni noldan boshlab yo‘lga qo‘yish uchun vaqt kerak.
Eslatib o‘tamiz, aprel oyida Xiaomi o‘zining birinchi avtomobilini namoyish etgandi. Elektron qurilmalarni ishlab chiqarish bilan shug‘ullanuvchi kompaniyaning ilk mashinasi — bu g‘ildiraklar ustidagi uy bo‘ladi.
Izoh (0)