2021 йилнинг 29 июль—2 август кунлари Ўзбекистон ташқи ишлар вазири Абдулазиз Комилов бошчилигидаги делегация амалий ташриф билан Жанубий Кореяда бўлади. Бу ҳақда ТИВ махсус вакили Юсуп Кабулжанов маълум қилди.
Ташриф дастурида Ташқи ишлар вазирлиги, парламент, Корея халқаро ҳамкорлик агентлиги (KOICA), Яшил ўсиш глобал институти (GGGI) ва Жанубий Кореянинг бошқа идораларида учрашувлар ва музокаралар, шунингдек, Инчҳон шаҳридаги Корея—Ўзбекистон бизнес маркази фаолияти билан танишиш кўзда тутилган.
Сиёсий, савдо-иқтисодий ва маданий-гуманитар соҳалардаги ўзаро ҳамкорликнинг кенг кўламли кун тартибини, шунингдек, бўлажак икки томонлама тадбирларни муҳокама қилиш режалаштирилган.
Эслатиб ўтамиз, Абдулазиз Комилов бошчилигидаги Ўзбекистон делегацияси 2020 йилнинг ноябрида «Жанубий Корея—Марказий Осиё» ҳамкорлик форумида иштирок этган ва Жанубий Корея ташқи ишлар вазири Кан Гён Ҳва билан учрашган эди.
Изоҳ (0)