Jons Hopkins universiteti ma’lumotlariga ko‘ra, dunyoda koronavirusga chalinganlar soni 194 778 390 kishiga yetdi. Virus oqibatida vafot etganlar soni 4 168 697 kishini tashkil qilmoqda. Kasallanganlar soni bo‘yicha AQSh (34,5 million), Hindiston (31,4 million), Braziliya (19,7 million), Rossiya (6 million) va Fransiya (6 million) eng oldinda bormoqda.
Nyu-Yorkda sentabrdan munitsipal xizmatlarning barcha xodimlari uchun koronavirusga qarshi emlanish majburiy bo‘ladi.
Qoida 13-sentabr kuni kuchga kirib, xususan, politsiyachilar, o‘t o‘chiruvchilar va o‘qituvchilarga talluqli bo‘ladi.
Qayd etilishicha, Nyu-Yorkda aholining 59 foizi kamida bitta dozada emlangan, ammo vaksinatsiya sur’atlari pasaygan.
Shuningdek, Ozarbayjonda ham aholining ba’zi toifalari — talabalar, amaldorlar va bir qator sohalar bo‘yicha korxonalar xodimlari uchun emlanish majburiy bo‘ladi.
2021-yil 1-sentabrdan davlat tuzilmalari organlari xodimlarining, shuningdek, ayrim korxonalar ishchilarining kamida 80 foizi COVID-19 ga qarshi vaksinaning birinchi dozasini, 1-oktabrdan esa ikkinchi dozasini olishi yoki koronavirusga qarshi immunitetga egalik haqidagi sertifikati bo‘lishi kerak.
Barcha tibbiy va farmatsevtika korxonalari, ilm-fan va ta’lim muassasalari, biznes va xizmat ko‘rsatish sohasidagi korxonalar ishchilari vaksina olishi shart.
18 yoshdan oshgan talabalar COVID-pasportga ega bo‘lishi kerak. Bunday pasport egalari umumiy ovqatlanish muassasalarining yopiq binolariga, mehmonxonalarga, yirik savdo markazlariga kiritiladi.
Mavzuga doir: O‘zbekistonda 18 yoshdan oshgan 14 ta toifadagi fuqarolar koronavirusga qarshi emlanishi shart etib belgilandi
Emlangan fuqarolar o‘z smartfoniga maxsus ilovani o‘rnatishi kerak, unda vaksinatsiya haqidagi ma’lumot aks etadi.
Hukumatning fikricha, bunday choralar vaksinatsiyani faollashtirish va odamlar hayotini himoya qilish, shuningdek, asta-sekinlik bilan normal faoliyatga qaytish imkonini beradi.
Mavzuga doir: Saudiya Arabistoni pandemiya sabab joriy qilingan mamlakatga kirish tartibini 11 davlat vakillari uchun bekor qildi
Bundan oldingi kuni virusni yuqtirish bilan bog‘liq 1429 ta holat qayd etildi, bu bugungi raqamlardan ikki baravar kamroq, ammo bir hafta avvalgi ko‘rsatkichdan ikki baravar ko‘proqdir.
Tokioda butun Olimpiada davomida favqulodda vaziyat rejimi amal qiladi, 8-iyul kuni u to‘rtinchi marta joriy qilindi. Restoran va kafelar 20:00 gacha ishlaydi. Jamoat tadbirlari, shu jumladan, konsertlar va konferensiyalar 21:00 gacha tugashi kerak. Shu bilan birga, zallarda tomoshabinlar soni ikki marta qisqartirilishi kerak. Umumiy ovqatlanish joylarida alkogol sotilishi taqiqlangan.
Mavzuga doir: Foto: Olimpiada arafasidagi Tokio
Iroqda esa 26-iyul holatiga, o‘tgan bir kecha-kunduzda COVID-19 bilan kasallanish bo‘yicha 12 180 ta holat qayd etildi. Kasallanish holatlarining ko‘payishi yaqinda nishonlangan Qurbon hayiti bilan bog‘liqligi taxmin qilinmoqda.
Qozog‘istonda ketma-ket ikki kundan buyon koronavirus oqibatidagi o‘limlar soni bo‘yicha rekord yangilanmoqda. 25-iyul kuni 110 kishi koronavirus va pnevmoniyadan vafot etgan bo‘lsa, 24-iyulda bu ko‘rsatkich 90 kishini tashkil etgan.
Izoh (0)