Жонс Ҳопкинс университети маълумотларига кўра, дунёда коронавирусга чалинганлар сони 194 778 390 кишига етди. Вирус оқибатида вафот этганлар сони 4 168 697 кишини ташкил қилмоқда. Касалланганлар сони бўйича АҚШ (34,5 миллион), Ҳиндистон (31,4 миллион), Бразилия (19,7 миллион), Россия (6 миллион) ва Франция (6 миллион) энг олдинда бормоқда.
Нью-Йоркда сентябрдан муниципал хизматларнинг барча ходимлари учун коронавирусга қарши эмланиш мажбурий бўлади.
Қоида 13 сентябрь куни кучга кириб, хусусан, полициячилар, ўт ўчирувчилар ва ўқитувчиларга таллуқли бўлади.
Қайд этилишича, Нью-Йоркда аҳолининг 59 фоизи камида битта дозада эмланган, аммо вакцинация суръатлари пасайган.
Шунингдек, Озарбайжонда ҳам аҳолининг баъзи тоифалари — талабалар, амалдорлар ва бир қатор соҳалар бўйича корхоналар ходимлари учун эмланиш мажбурий бўлади.
2021 йил 1 сентябрдан давлат тузилмалари органлари ходимларининг, шунингдек, айрим корхоналар ишчиларининг камида 80 фоизи COVID-19 га қарши вакцинанинг биринчи дозасини, 1 октябрдан эса иккинчи дозасини олиши ёки коронавирусга қарши иммунитетга эгалик ҳақидаги сертификати бўлиши керак.
Барча тиббий ва фармацевтика корхоналари, илм-фан ва таълим муассасалари, бизнес ва хизмат кўрсатиш соҳасидаги корхоналар ишчилари вакцина олиши шарт.
18 ёшдан ошган талабалар COVID-паспортга эга бўлиши керак. Бундай паспорт эгалари умумий овқатланиш муассасаларининг ёпиқ биноларига, меҳмонхоналарга, йирик савдо марказларига киритилади.
Мавзуга доир: Ўзбекистонда 18 ёшдан ошган 14 та тоифадаги фуқаролар коронавирусга қарши эмланиши шарт этиб белгиланди
Эмланган фуқаролар ўз смартфонига махсус иловани ўрнатиши керак, унда вакцинация ҳақидаги маълумот акс этади.
Ҳукуматнинг фикрича, бундай чоралар вакцинацияни фаоллаштириш ва одамлар ҳаётини ҳимоя қилиш, шунингдек, аста-секинлик билан нормал фаолиятга қайтиш имконини беради.
Мавзуга доир: Саудия Арабистони пандемия сабаб жорий қилинган мамлакатга кириш тартибини 11 давлат вакиллари учун бекор қилди
Бундан олдинги куни вирусни юқтириш билан боғлиқ 1429 та ҳолат қайд этилди, бу бугунги рақамлардан икки баравар камроқ, аммо бир ҳафта аввалги кўрсаткичдан икки баравар кўпроқдир.
Токиода бутун Олимпиада давомида фавқулодда вазият режими амал қилади, 8 июль куни у тўртинчи марта жорий қилинди. Ресторан ва кафелар 20:00 гача ишлайди. Жамоат тадбирлари, шу жумладан, концертлар ва конференциялар 21:00 гача тугаши керак. Шу билан бирга, залларда томошабинлар сони икки марта қисқартирилиши керак. Умумий овқатланиш жойларида алкоголь сотилиши тақиқланган.
Мавзуга доир: Фото: Олимпиада арафасидаги Токио
Ироқда эса 26 июль ҳолатига, ўтган бир кеча-кундузда COVID-19 билан касалланиш бўйича 12 180 та ҳолат қайд этилди. Касалланиш ҳолатларининг кўпайиши яқинда нишонланган Қурбон ҳайити билан боғлиқлиги тахмин қилинмоқда.
Қозоғистонда кетма-кет икки кундан буён коронавирус оқибатидаги ўлимлар сони бўйича рекорд янгиланмоқда. 25 июль куни 110 киши коронавирус ва пневмониядан вафот этган бўлса, 24 июлда бу кўрсаткич 90 кишини ташкил этган.
Изоҳ (0)