TikTok’da Leonardo Di Kaprioning egizagi paydo bo‘ldi. O‘xshashlik millionlab internet foydalanuvchilarini hayron qoldirmoqda

TikTok ijtimoiy tarmog‘ida @Cody_the_prodigy nikli foydalanuvchi hamkasbi bilan tushgan roligini e’lon qilib, o‘z akkauntini mashhur qilib yubordi, deb yozadi Esquire.

“Bu yigit Leonardo Di Kaprioga quyib qo‘ygandek o‘xshaydi”, — deb yozadi tiktoker rolikka va millionlab internet foydalanuvchilar uning fikriga qo‘shilgan.

Qisqa vaqt ichida video 4,5 millionta layk to‘plagan va 22,7 million martadan ortiq tomosha qilingan. Di Kaprio egizagining ismi Jeyms Reynolds. Uning hamkasbi Reynolds bilan tushgan videolarini joylashtirishni davom etgan.

Keyinroq tiktoker Jeymsga birinchi rolikdagi tomosha qilinishlar sonini ko‘rsatib, uning reaksiyasini videoga olgan.

Shundan so‘ng Jeyms ham TikTok’da akkaunt ochgan, ammo hozirda uning obunachilari u qadar ko‘p emas.