Reper Snoop Dogg o‘zi bilmagan holda ketma-ket to‘rt kun Twitch platformasida Maffen NFL o‘yinining (Amerika futboli simulyatori) strimini ovozsiz o‘tkazdi. Tomoshabinlar bu haqda unga aytishga uringan, biroq reper translyatsiya chatiga izoh qoldirishni cheklab qo‘ygan va foydalanuvchilar unga faqat smaylik jo‘nata olgan, deb xabar beradi Esquire.
Shuningdek, tomoshabinlar ijtimoiy tarmoqlarda reperning e’tiborini tortishga uringan va hatto Reddit platformasida alohida muhokama ochishgan. Biroq bu ham yordam bermagan.
Vaziyat Snoop Dogg nikiga Hollywood Gene niki ostidagi strimer kelganidan so‘ng hal bo‘lgan. Uning aniqlashicha, Twitch reper do‘stlari bilan ovozli chat vaqtida mualliflik huquqi bilan himoyalangan musiqani qo‘ygani uchun uning mikrofonini avtomatik ravishda o‘chirib qo‘ygan. “U ko‘ngillaringizni olish uchun striming qilmaydi, buni sahna ortiga o‘tish deb tasavvur qiling — siz shunchaki uning yonida yurasiz va u nima qilayotganini ko‘rasiz”, — deya qo‘shimcha qiladi Hollywood Gene.
Avvalroq Snoop Dogg strim boshlagani, biroq yutqazib qo‘ygani sabab xonadan chiqib ketgani to‘g‘risida xabar berilgandi. O‘shanda 200 ming tomoshabin esa 7 soatdan ortiq bo‘sh xonaga termilib o‘tirgan.
Izoh (0)