Mali prezidenti vazifasini vaqtincha bajaruvchi, polkovnik Assimi Goytaga mamlakat poytaxti Bamakodagi masjidda suiqasd uyushtirildi. Bu haqda AFP xabar qildi.
Agentlik axborotiga ko‘ra, ikki nafar qurollangan erkak Goytaga hujum qilgan, ulardan birining qo‘lidan pichoq bo‘lgan. Mali prezidenti masjidga Qurbon hayiti namozini o‘qish va qurbonlik marosimida ishtirok etish uchun borgan.
AFP masjid xizmatchilaridan birining ma’lumotiga tayanib, hujum qilgan erkakning prezidentga ortdan turib pichoq urishga harakat qilgani, pichoq zarbi Goytaga emas boshqa bir odamga tegganini aniqlagan.
2020-yil avgust oyida Goita Malidagi harbiy to‘ntarish va prezident Ibrohim Bubakar Keyta hukumatdan uzoqlashtirilganidan keyin milliy qutqaruv komissiyasi raisiga aylangandi. 2021-yil may oyida harbiylar Malining vaqtinchalik prezidenti Bax Ndau hamda bosh vazir Moktar Uanni hibsga oldi. Ushbu voqeadan ma’lum vaqt o‘tgach ular iste’fo berdi.
May oxirida Mali Konstitutsion sudi polkovnik Assimi Goytani mamlakatning vaqtinchalik prezidenti deb e’lon qilgan.
Avval Afg‘onistonda Hayit namozi o‘qilayotgan vaqtda mamlakat prezidenti Ashraf G‘ani rezidensiyasi yaqiniga raketa zarbalari yo‘llangani xabar qilingandi.
Eslatib o‘tamiz, iyul boshida Gaiti prezidenti Jovenel Moiz o‘z qarorgohida otib o‘ldirilgandi.
Izoh (0)