Afg‘oniston prezidenti Ashraf G‘ani 15-iyul kuni Toshkentga amaliy tashrif bilan keldi, deb xabar bermoqda “Dunyo” agentligi.
Afg‘oniston rahbari 15—16-iyul kunlari Toshkentda bo‘lib o‘tadigan “Markaziy va Janubiy Osiyo: mintaqaviy o‘zaro bog‘liqlik. Tahdidlar va imkoniyatlar” xalqaro konferensiyasida ishtirok etishi kutilmoqda.
https://www.instagram.com/p/CRVj3rjJguQ/
https://www.instagram.com/p/CRVicoUJB1H/
Avvalroq Turkiya tashqi ishlar vaziri Mevlut Chavusho‘g‘li mazkur konferensiyada ishtirok etish uchun O‘zbekistonga kelgani to‘g‘risida xabar berilgandi.
Ushbu xalqaro konferensiyada, shuningdek, Pokiston prezidenti, Yevropa ittifoqining tashqi ishlar va xavfsizlik siyosati bo‘yicha oliy vakili, Yevrokomissiya vitse-prezidenti Jozef Borrel, 20 dan ziyod mamlakat tashqi ishlar vazirlari, nufuzli xalqaro va mintaqaviy tashkilotlar rahbarlari ishtirok etishi kutilmoqda. Ishtirokchilarning umumiy soni 600 dan ortiq.
Forumning asosiy maqsadi Markaziy va Janubiy Osiyo davlatlari o‘rtasidagi tarixan yaqin va do‘stona aloqalarni, ishonch va yaxshi qo‘shnichilikni ikki mintaqa xalqlari va mamlakatlari manfaatlari yo‘lida mustahkamlashdan iborat.
Izoh (0)