Афғонистон президенти Ашраф Ғани Ўзбекистонга келди (видео)

Афғонистон президенти Ашраф Ғани 15 июль куни Тошкентга амалий ташриф билан келди, деб хабар бермоқда «Дунё» агентлиги.

Афғонистон раҳбари 15—16 июль кунлари Тошкентда бўлиб ўтадиган «Марказий ва Жанубий Осиё: минтақавий ўзаро боғлиқлик. Таҳдидлар ва имкониятлар» халқаро конференциясида иштирок этиши кутилмоқда.

https://www.instagram.com/p/CRVj3rjJguQ/

https://www.instagram.com/p/CRVicoUJB1H/

Аввалроқ Туркия ташқи ишлар вазири Мевлут Чавушўғли мазкур конференцияда иштирок этиш учун Ўзбекистонга келгани тўғрисида хабар берилганди.

Ушбу халқаро конференцияда, шунингдек, Покистон президенти, Европа иттифоқининг ташқи ишлар ва хавфсизлик сиёсати бўйича олий вакили, Еврокомиссия вице-президенти Жозеф Боррел, 20 дан зиёд мамлакат ташқи ишлар вазирлари, нуфузли халқаро ва минтақавий ташкилотлар раҳбарлари иштирок этиши кутилмоқда. Иштирокчиларнинг умумий сони 600 дан ортиқ.

Форумнинг асосий мақсади Марказий ва Жанубий Осиё давлатлари ўртасидаги тарихан яқин ва дўстона алоқаларни, ишонч ва яхши қўшничиликни икки минтақа халқлари ва мамлакатлари манфаатлари йўлида мустаҳкамлашдан иборат.