O‘zbekistondagi ayrim tijorat banklarida dollar kursi 10 690 so‘mga qadar ko‘tarildi

O‘zbekistondagi bir nechta tijorat banklari 13-iyul kuni dollar valyutasining so‘mga nisbatan kursini oshirdi.

Aksariyat banklar 1 AQSh dollarini 10 630 so‘mga sotib olishni, 10 690 so‘mga sotishni taklif qilmoqda. Bundan avval dollarning rasmiy kursi uch kunlik ko‘tarilishdan so‘ng 9,26 so‘mga pastlab, 10 621,49 so‘mni tashkil qilgandi. O‘zbekistondagi ayrim tijorat banklarida esa 9-iyul kuni dollar kursi birinchi bor 10 680 so‘mga qadar ko‘tarilgandi.

Quyida dollarning yangi qiymatini e’lon qilgan ayrim banklar keltirilgan:

• “Agrobank” sotib olish — 10 610, sotish — 10 690;
• Asia Alliance Bank: sotib olish ­­— 10 630, sotish — 10 680;
• NBU: sotib olish — 10 630, sotish – 10 690;
• Orient Finans Bank: sotib olish — 10 590, sotish — 10 690;
• “Savdogar bank”: sotib olish — 10 590, sotish — 10 695.