Namangan viloyati Chortoq tumanida 48 yoshli ayolning velosipedini o‘g‘irlagan shaxsga jinoyat ishi qo‘zg‘atildi. Bu haqda viloyat IIB matbuot xizmati xabar berdi.
9-iyul kuni ayol IIBga murojaat qilib, shu kunga o‘tar kechasi noma’lum shaxs uyiga devor oshish yo‘li bilan kirib, 1,4 million so‘mlik velosipedini o‘g‘irlab ketganini ma’lum qilib, chora ko‘rishni so‘ragan.
Chortoq tuman IIB JQB katta tezkor vakili va tezkor vakillar tomonidan olib borilgan tezkor-qidiruv va surishtiruv harakatlari natijasida ushbu jinoyatni shu tumanda yashovchi, 2020-yilda Jinoyat kodeksining 226-moddasi (ma’muriy nazorat qoidalarini buzish) 1-qismi bilan sudlangan, 1979-yilda tug‘ilgan fuqaro sodir etgani aniqlangan.
Holat bo‘yicha Chortoq tuman IIB huzuridagi TB tomonidan 9-iyul kuni Jinoyat kodeksining 169-moddasi (o‘g‘rilik) 2-qismi bilan jinoyat ishi qo‘zg‘atilgan.
Izoh (0)