Namanganda topilgan bombalar, hayvonlarni ham bezor qilgan jazirama, “Abdullajon” filmida suratga tushgan aktyorning dafn marosimi. 8-iyul suratlari

Turkiyaning Diyarbakir shahrida onasi vafot etganidan keyin asrab olingan tipratikanni oziqlantiryotgan bola.

Foto: Getty Images

Namanganda 6 dona aviatsiya bombasi topildi. Topilgan bombalarni zararsizlantirish maqsadida Pop tumani G‘urumsaroy 07648-harbiy qism maxsus o‘q otish poligoniga olib borilib, yo‘q qilingan.

Foto: Namangan viloyati IIB

Parijda bo‘lib o‘tayotgan moda haftaligida Chanel to‘plamidagi kiyimni namoyish etayotgan model.

Foto: “TASS”

Yoqut rangli ko‘ktarg‘oq o‘z o‘ljasi bilan. Mumbay, Hindiston.

Foto: Getty Images

Filippinning Palawan Pearl yuk tashuvchi kemasi Manila ko‘rfazida dengizosti qazish ishlarini olib borayotgan kema bilan to‘qnashib, ag‘darildi.

Foto: “TASS”

Kosovodagi milliy bog‘da jaziramadan saqlanish uchun suv havzasiga tushib olgan qo‘ng‘ir ayiq.

Foto: “TASS”

Uttar-Pradesh bozoridagi hindistonlik ishchi.

Foto: “TASS”

Kann kinofestivaliga tashrif buyurgan mashhurlarni rasmga olayotgan suratkashlar. Yuzlab kinoijodkorlar o‘zlarining ishlarini namoyish etish va afsonaviy qizil gilamchada yurish uchun Kann kurort shahrida to‘plandi.

Foto: “TASS”

Suriyaning Idlib shahridagi qochqinlar lagerida yashovchi odamlar.

Foto: Getty Images

Vladivostokda keng ko‘lamli mashqlardan so‘ng Tinch okean flotining harbiy kemalarini kutib olish marosimi bo‘lib o‘tdi.

Foto: “TASS”

Niderlandiyaning Lelistad shahrida quyosh nuri bilan harakatlanadigan Nuna11 rusumli avtomashina poyga yo‘lida sinovdan o‘tkazildi.

Foto: EPA

Sent-Jozef katolik cherkovining rohibalari yaqinda Floridada qulab tushgan bino joylashgan joy yaqinida ibodat qilmoqda. Qutqaruvchilar tirik qolganlarni qidirishni yakunlashga qaror qildi.

Foto: AFP

Qirolicha Yelizaveta II Manchester shahridagi ITV studiyasida tashkil qilingan Coronation Street’ga tashrif buyurgan vaqtida aktyor va prodyuserlar guruhi bilan suhbatlashmoqda.

Foto: PA

Brisben atrofidagi Kurparu shahrida abortga qarshi namoyish o‘tkazayotgan shaxs haqida o‘z fikrini bildirgan plakatni ushlab turgan erkak.

Foto: AP Photo

Rimda yozgi jazirama tufayli chiqindilarni boshqarish bilan bog‘liq muammolar sabab ko‘chada yig‘ilib qolgan qoplar.

Foto: Getty Images

Afg‘oniston milliy armiyasi askari mamlakatning Jalolobod—Kobul magistral yo‘lidagi Mahipar shahrida joylashgan nazorat punktini qo‘riqlab turibdi.

Foto: Reuters

Yelena Lenina Kannda bo‘lib o‘tadigan “Tout s’est biyen passe” (Hammasi yaxshi o‘tdi) filmining namoyishi oldidan suratga tushmoqda.

Foto: Reuters

Shimoliy Koreya rahbari Kim Chen In Pxenyandagi Komsusan Quyosh saroyiga Milliy xotira kunini nishonlash marosimida tashrif buyurdi.

Foto: Reuters

“Uembli” stadionida qo‘shimcha vaqtda Daniyani 2:1 hisobida mag‘lub etgan futbol bo‘yicha Angliya terma jamoasi muxlislari g‘alabani nishonlamoqda. Angliya finalda Italiya bilan to‘qnash keladi.

Foto: Reuters

Peruda tibbiyot xodimlari COVID-19’ga qarshi aholini emlash uchun Titikaka ko‘lidagi qamishdan yasalgan suzuvchi Uros orollariga keldi.

Foto: AFP

Isroil tomonidan ishg‘ol qilingan G‘arbiy Sohilning Ramalloh shahri yaqinidagi Turmus Aya shaharchasida Isroil Qurolli Kuchlari tomonidan portlatilgan qamoqdagi falastinlik Muntasir ash-Shalabi uyi yonida turgan ayol.

Foto: Reuters

Moskvadagi Kinematograflar markaziy uyining katta zalida 5-iyul kuni koronavirus oqibatida 82 yoshida vafot etgan RSFSR xalq artisti, kinorejissor Vladimir Menshov bilan vidolashuv marosimi bo‘lib o‘tdi. Menshov o‘zbekistonlik rejissor Zulfiqor Musoqovning “Abdullajon yoki Stiven Spilbergga bag‘ishlanadi” filmida ham suratga tushgan.

Foto: “TASS”

Brass Gumbo guruhi Edinburgda Jaz va Blyuz festivaliga e’tiborni jalb qilish uchun Kalton Xill milliy yodgorligi ustunlari orasida chiqish qildi.

Foto: PA