Burg‘ilovchilarning mehnati, ularning O‘zbekiston iqtisodiyoti, mamlakat taraqqiyoti va farovonligini oshirishga qo‘shayotgan hissasi muhim, mashaqqatli va mas’uliyatli hisoblanadi.
Og‘ir ob-havo sharoitlariga qaramay, xoh u jazirama yoz bo‘lsin, xoh qahraton qish — burg‘ilovchi doimo ish joyida bo‘ladi. Burg‘ilash bo‘yicha rejani bajarish vazifasi uning zimmasida. Burg‘ilash quduqlari xodimlari har safar rejani bajarish va ortig‘i bilan bajarish bo‘yicha yangidan yangi rekordlarni o‘rnatmoqda.
36-sonli burg‘ilash brigadasi ham joriy yilning 2-iyul kuni O‘zbekiston bo‘ylab doloto yordamida kavlash bo‘yicha navbatdagi rekordni qayd etdi. Bir sutka davomida Tesco kuchli uzatmasi bilan jihozlangan ZJ-70 DBS burg‘ulash qurilmasi yordamida, bir sutkada 425 metr tuproq burg‘ilandi. Shu tariqa 550 metr chuqurlikdan yuzaga 79 kubometr jinslar chiqarildi. Bu bitta temir yo‘l vagoniga teng miqdordir. Burg‘ilash ishlari “Mustaqillikning 25 yilligi” konidagi №9-OE qudug‘ida amalga oshirildi.
Ishlarni amalga oshirish uchun loyihaning bosh muhandisi Fozilov Imonjon tomonidan burg‘ilash brigadasiga barcha sa’y-harakatlar va vositalarni ishga solgan holda, kavlash bo‘yicha rejani bajarish va ortig‘i bilan bajarish vazifasi yuklatildi. 24 soat davom etgan ishlar boshlab yuborildi. Burg‘ilash jarayonini muhandislar nazorat qildi. Hamma narsa hisobga olindi: dolotoga tushayotgan yuklama, uning holati, tuproqning yuzaga olib chiqilishini nazorat qilish.
Avvalgi rekord 362 metrni tashkil qilgan edi. Olingan natijadan ilhomlangan burg‘ilovchilar ish sur’atini susaytirmadi va bir sutka davomida 425 metr joy burg‘ilandi. O‘z vazifasini sidqidildan bajargan brigada nafasini rostlashi mumkin. Oldinda ularni asosiy maqsad — tabiiy gaz olishdan iborat bo‘lgan ko‘plab vazifalar kutmoqda.
Eriell Group matbuot xizmati
Izoh (0)