Samarqand viloyatida birinchi elektr quvvatlash bekati paydo bo‘ldi. Bu haqda PlugShare ma’lumotlariga tayanib, Spot xabar berdi.
Ta’kidlanishicha, bu Megawatt kompaniyasining GB-T DC 30KWt quvvatlash qurilmasidir. Bekat Bulung‘ur tumanida joylashgan.
O‘zbekistondagi birinchi elektr zaryadlovchi qurilmalar Farg‘onada, keyin Toshkent shahri va Toshkent viloyatida paydo bo‘ldi. Ular xususiy kompaniyalar tomonidan turli maqsadlar uchun o‘rnatilmoqda:
- Makro supermarketlari atrofida elektr zaryadlash tarmog‘ini qurmoqda;
- TokBor kompaniyalarga zaryadlash o‘rnatish xizmatlarini taklif etadi;
- Megawatt elektr transport vositalari sotuvchisi sifatida infratuzilmani barpo etmoqda.
Eslatib o‘tamiz, O‘zbekistonda 2021-yilning yanvar—may oylarida import qilingan elektromobillar uchun 4,6 million AQSh dollari sarflangan. Ta’kidlash kerakki, O‘zbekistonda elektromobillar importi uchun imtiyozlar amalda — ular uchun boj va aksiz solig‘i to‘lanmaydi. Faqatgina tegishli yig‘imlar va QQS to‘lanadi.
Mavzuga doir:
Izoh (0)