Qanday qilib dunyodagi eng boy odamga aylanish mumkin: Jeff Bezosga muvaffaqiyat keltirgan 10 qoida

5-iyul kuni Jeff Bezos rasman Amazon bosh direktori lavozimidan ketdi. U ushbu lavozimda kompaniya tashkil etilgan kundan boshlab roppa-rosa 27 yil davomida ishladi. Bezos qanday qilib dunyodagi eng qimmat brendlardan biriga asos solishga muvaffaq bo‘ldi va uning shaxsiy sirlari nimada? Milliarderning o‘zi tomonidan tuzilgan biznes yuritish qoidalari bilan tanishamiz.

Sayyoradagi eng boy odam Jeff Bezos o‘tgan yili haqiqiy shov-shuvli shaxsga aylandi. Tarixdagi birinchi trillioner odam pandemiya bo‘lishiga qaramay, shuhrat cho‘qqisiga chiqdi. 2021-yilning fevralida Bezos shu yilning uchinchi choragida Amazon kompaniyasining bosh direktori lavozimidan ketishini va hozirda Amazon veb-servislari rahbari Endryu Jessini o‘rniga qoldirishini e’lon qildi va u va’dasini bajardi. Endi Jeff kompaniyaning ijroiya raisi bo‘ladi va yangi mahsulotlar va yechimlarga ko‘proq e’tibor qaratadi. Dunyodagi eng boy odamni muvaffaqiyatga olib borgan biznes tamoyillari haqida bizga nima ma’lum?

Aqlga emas, yurakka quloq soling

Ko‘pincha aql bizga maqsadga erishishga xalaqit beradigan narsalar haqida eslatib turadi. Masalan, ehtiyot bo‘lish haqida. Yurak biror-bir narsani qil, aql esa buni qilma, deydi. Ko‘proq tavakkal qilish va tez-tez g‘alaba qozonish uchun tajribaga emas, balki ichki ovozga suyaning.

Afsuslanmang

Biznesda har doim orqaga qarab vaqtni yo‘qotmasdan, oldinga intilish kerak. Afsuslanadigan holatlar bo‘ladi, ammo muvaffaqiyatga erishish uchun buzg‘unchi fikrlarning ochilgan imkoniyatlarni yo‘q qilishiga yo‘l qo‘ymaslik kerak. Maqsadingizga erishganingizdagina orqaga qarashingiz mumkin, ammo u paytda afsuslanishga hojat qolmaydi.

Mahsulotingizni muvaffaqiyatli nomlang

Ko‘pincha mahsulot nomi va diqqatni tortuvchi jihati bilan e’tiborni tortadi va bu xaridorni pul sarflashga undaydi. Aniq bo‘lmagan nom do‘konlarda faqat orqa javonlarni va omborlarda katta qoldiqlarni yuzaga keltiradi. Qiziqishni oshirish uchun potensial mijozlar orasida hayrat va qiziqish uyg‘otadigan, ularni hech bo‘lmaganda mahsulotingizga qarashga majbur qiladigan nom tanlash kerak.

Fikr bildiring

Siz hech kimning huquqlari uchun kurashuvchi bo‘lishingiz shart emas, lekin sifat kabi muhim masalalarni targ‘ib qilish va mahsulotingiz doimo iste’molchining talablariga javob berishini ta’minlash har qanday biznesda muhim jihatdir. O‘z fikrlarini himoya qila olmaydigan yoki hech narsaga kafolat bera olmaydigan yoki istamaydigan korxona bankrotlikka mahkum.

Mahsulotingizga qancha ko‘p mablag‘ sarflasangiz, shuncha kerakli narsaga aylanadi. Agar mijozlaringiz reklamangiz qiziqroq bo‘lgani uchun emas, balki mahsulotlaringiz boshqalarnikidan yaxshiroq ekanligi sababli sizdan xarid qilishini istasangiz, siz to‘g‘ri yo‘ldasiz. Agar marketing strategiyasi yaxshi bo‘lsa-yu, mahsulotning o‘zi muvaffaqiyatsiz bo‘lsa, bu biznes uzoq davom etmaydi. Mahsulotingiz sotib olishga arzishiga va ko‘proq xaridorlarni jalb qilishiga ishonch hosil qilish uchun sifatga e’tibor bering.

E’tiboringizni mijozga qarating

Premium mahsulotlarni arzon narxlarda taklif qiling

Ko‘pchilik sevimli narsalarini tayyorlash uchun, aslida, qancha mablag‘ sarflanishini bilib, hayron qolishadi. Ba’zi mahsulotlar, ayniqsa, ishlab chiqarish jarayoni yoki noyob materiallar tufayli qimmatga tushadi, ammo ko‘plab mahsulotlarni ishlab chiqarish nisbatan arzon bo‘lib, narxlar chakana sotuvchilar hisobiga ko‘tarilib ketadi. Raqobat muhitida siz eng yaxshi mahsulotlarni arzon narxda — o‘rtacha sotuvchidan pastroq narxda taklif qilishingiz kerak.

Butun boshli madaniyat yarating

Aksariyat korxonalar mavjud bo‘lgan madaniyatni o‘zlashtirib, o‘zlaridan uncha-muncha narsa qo‘shadi, xolos. Shunchaki biror-bir narsa qo‘shish kerak emas, balki o‘zingizning madaniyatingizni mustaqil yaratishingiz kerak. Bezosning eslashicha, Amazon’gacha onlayn xarid qilish hozirgi ko‘rinishida deyarli mavjud bo‘lmagan.

Ishingizni ishtiyoq bilan bajaring

Ishtiyoqsiz biznes mexanik va jonsiz bo‘lib, keyinchalik ish ozgina qoniqish keltiradi, pul ishlashga bo‘lgan ishtiyoq susayadi. Boshqacha qilib aytganda, biznesingiz quyosh chiqqandan to botgunicha davom etadigan bema’ni poygaga aylanib qoladi.

Tavakkal qiling

Ba’zan ishingizga boshingiz bilan sho‘ng‘ishingiz kerak, garchi bu muvaffaqiyatsizlikka olib kelishi mumkin bo‘lsa ham. Har qanday biznesning eng yomon tomoni shundaki, siz doimo muvaffaqiyatsizlikka uchrash ostonasida turasiz. Buning yaxshi tomoni esa o‘xshamagan narsani bilib, to‘g‘ri yo‘lga tushib olasiz. Xavf — bu muvaffaqiyatsizlik emas, balki biznesda qurilgan ideallarga muvofiq yashash istagi. Hech qachon sizda bo‘lmagan narsaga erishish uchun ilgari qilmagan ishingizni qilishga tayyor bo‘lishingiz kerak.