“Akkermann sement” Toshkent shahrida “Sement. Beton. Ishlab chiqarish va qo‘llashdagi zamonaviy texnologiyalar” III xalqaro forumini o‘tkazdi. Tadbirda kompaniya rahbarlari, qurilish va ishlab chiqarish sohasi vakillari va olimlar ishtirok etdi.
-j5PY5WL5.avif)
Muloqotda O‘zbekistonda qurilish sifatini oshirish va qurilish materiallari ishlab chiqarishdagi kamchiliklarga yechim topish masalalari muhokama etildi.
“Ohangaronsement” zavodi mahsulotlari uch yildan beri Rossiyaning “Akkermann sement” brendi ostida ishlab chiqarilmoqda. Forumda bosh direktor Ilin Vitaliy zavod faoliyatiga to‘xtaldi.
“Bugungi kunda “Akkermann sement”ning uchta yirik zavodi bor. Ikkitasi Rossiyaning Orenburg shahrida joylashgan. Keyin Toshkent viloyatidagi “Ohangaronsement”ni sotib olganmiz. Bu zavodimiz 1960-yillarda qurilgan bo‘lib, kuniga 6200 tonna, yiliga 2,4 million tonna sement ishlab chiqarmoqda. Oxirgi uch yilda zavod mahsulotlari sifati va zamonaviy texnologiyalari mutlaqo yangi darajaga chiqdi”, dedi rahbar.
Forumda qurilish sohasi mutaxassislari uchun amaliy keyslar asosida chiqishlar qilindi. Masalan, Shveysariyaning PSA Zurich Area GmbH kompaniyasi ijrochi direktori, texnika fanlari doktori, professor Yurgen Eknik maʼruzasi ishtirokchilarda katta qiziqish uyg‘otdi.
Germaniyalik olim mehmonlarga qurilish sanoatining xalqaro tendensiyalari to‘g‘risida gapirib berdi. Nuqtdagi asosiy urg‘u qurilish mahsulotlari ishlab chiqarish va qurilish maydonindagi qator kamchiliklarga qaratildi. Professor fikricha, sohadagi eng katta muammo eskirgan standartlardan voz kechilmayotgani bilan bog‘liq.
“Professor Yurgen Eknik qurilish materiallarini ishlab chiqarishda Yevropa standartlarishga o‘tish muhimligini aytdi. Bu olim maʼruzasining juda muhim nuqtasi. Afsuski, hanuz Sovet davridan qolgan qurilish standartlaridan ko‘p foydalanamiz. O‘zgarishlar yo‘q emas, lekin jarayon sekin kechmoqda. Ishlab chiqarishni Yevropa standartlari asosida yo‘lga qo‘ysak, sifat oshadi, xarajatlar ham kamayadi”, dedi “Ohangaronsement” Texnik savdoni qo‘llab-quvvatlash xizmati rahbari Ibrohim Mamatov.
Forumda O‘zbekistonda qurilish jarayonidagi muammolar ham tahlil qilindi. Misol sifatida qurilish mahsulotlaridan foydalanishda ayrim hollarda iqlim inobatga olinmasligi jiddiy kamchilik ekani aytildi. Shu bilan birga, qurilish obyektiga quyiladigan beton yetkazishda muammolar mavjudligiga urg‘u berildi. Jarayonda beton quyuqlashib qoladi, uni suyultirish uchun suv qo‘shiladi. Oqibatda suv beton mustahkamligini kamaytiradi. Muammoni yechish uchun esa kimyoviy qo‘shimchalarni to‘g‘ri tanlash muhim.
Muloqotda betonni parvarishlash jarayonida ham xatoliklarga yo‘l quyilayotgani tanqid qilindi. Bu holat ham beton mustahkamligini kamaytiradi, konstruksiyalarda yoriqlar paydo bo‘lishiga olib keladi.
Muloqotda “Akkermann sement” ishlab chiqarish xoldingi direktori Aleksandr Fedorov zavod imkoniyatlari haqida gapirdi.
“Sement ishlab chiqarishda eng zamonaviy hisoblangan Fransiya texnologiyasidan foydalanamiz. Bunday texnologiya MDH mamlakatlari orasida faqatgina Rossiya va O‘zbekistonda mavjud. Zavodda mahsulot ishlab chiqarish boschiqlari onlayn rejimda tahlil qilindi. Jarayonning asosiy qismi avtomatlashtirilgan. Zavod uzluksiz ishlaydi va bitta xonadan pult orqali boshqariladi”, dedi mutaxassis.
Forumda Akkermann sementlari sifati xalqaro standartlarga to‘liq javob berishi eʼtirof etildi. Shu bois, mahsulotlarga talab ortib borayotganiga urg‘u berildi. Bugun kompaniya sementlari nafaqat ichki bozorda sotiladi, balki Qozog‘istonga eksport ham qilanadi. “Ohangaronsement” sement eksporti bo‘yicha O‘zbekistonda yetakchi hamdir.
Forumda “O‘zqurilishmaterial” AJ assotsiatsiyasi boshqaruvi raisi maslahatchisi Bahodir Ismoilov ma’ruza qildi. Mutaxassis bugun respublikada qurilish materiallari ishlab chiqarish hajmi tez oshib borayotganini taʼkidladi.
“Joriy yilda 53 trillion so‘mlik qurilish mahsulotlari ishlab chiqarilishi kutilmoqda. Ammo bir masala borki, qurilish materiallari importi eksportimizdan ikki baravar ko‘p. Bu holat mahalliy mahsulotlar sifatiga jiddiy eʼtibor berish kerakligini anglatadi”, dedi maslahatchi.
Forum dasturi doirasida ishtirokchilar “Akkermann sement”ning Toshkent shahrida joylashgan beton laboratoriyasi bilan tanishtirildi. Mehmonlarga ilg‘or sinov va sifat nazorati usullari to‘g‘risida maʼlumot berildi.
Buyurtma uchun: Telegramda @akkermanncement_bot yoki +998 (50) 717-50-50 telefon raqamidan foydalaning.
Sayt: www.akancem.uz
Instagram: @prosement.uzb
Reklama huquqi asosida.
Izoh (0)