InfinBANK’ning xalqaro Visa kartalaridan foydalanuvchi mijozlari endi chet elga pul o‘tkazmalarini tezroq va kattaroq hajmda amalga oshirishlari mumkin bo‘ldi. Bank Visa Direct xizmati orqali o‘tkazmalar uchun limitlarni kuniga 7 000 AQSH dollarigacha va oyiga 100 000 AQSH dollarigacha ko‘tardi. Taqqoslash uchun: ilgari kuniga 1 000 AQSH dollari va oyiga 10 000 AQSH dollari miqdorida cheklovlar mavjud edi. Shu bilan birga, Visa Platinum Zero uchun 3000$ gacha va Visa Classic Zero uchun 1000$ gacha mablag‘ni komissiyasiz o‘tkazish mumkin. Agar summa oshsa, o‘tkazmalar 1% komissiya bilan amalga oshiriladi.
-9JukfUEf.avif)
Xizmatdan foydalanish uchun InfinBank mobil ilovasini yuklab oling, “O‘tkazmalar”, keyin esa “Visa Direct” tugmasini bosing. Qabul qiluvchining karta raqami yoki telefon raqami orqali pul yuborishni tanlashingiz mumkin.
Limitlarni oshirish to‘g‘risidagi qaror chet eldagi yaqinlarini qo‘llab-quvvatlash, ta’lim uchun to‘lovlarni amalga oshirish yoki sayohatlarni rejalashtirish uchun Visa Direct xizmatidan tobora ko‘proq foydalanayotgan mijozlarning ortib borayotgan talabiga javoban qabul qilindi. Xalqaro Visa kartalaridan foydalanadigan InfinBANK mijozlari endi chet elga pul o‘tkazmalarini tezroq va kattaroq hajmda yuborishlari mumkin. Bank Visa Direct xizmati orqali o‘tkazmalar uchun limitlarni kuniga $7 000 gacha va oyiga $100 000 gacha oshirdi.
“Mijozlarimiz ehtiyojlari qanday o‘zgarayotganini kuzatmoqdamiz: ular uchun nafaqat pul o‘tkazish tezligi, balki o‘z mablag‘larini cheklovlarsiz erkin tasarruf etish imkoniyati ham muhim ahamiyat kasb etmoqda. Visa Direct bo‘yicha yangi shartlar tufayli mijozlarimiz aynan o‘zlariga kerak bo‘lgan narsani - xalqaro pul o‘tkazmalarida ko‘proq erkinlik va qulaylikni qo‘lga kiritmoqdalar”, deya izoh berdi InfinBANK xalqaro to‘lov tizimlari bilan hamkorlik bo‘limi boshlig‘i Kamila Nurnazarova.
Visa Direct - bu butun dunyo bo‘ylab Visa kartalariga zudlik bilan pul o‘tkazish xizmatidir. Bu, ayniqsa, chet eldagi yaqinlariga tez-tez yordam ko‘rsatadigan, ijara haqi to‘laydigan, o‘qish uchun pul jo‘natadigan yoki shunchaki kichik limitlar haqida tashvishlanishni istamaydiganlar uchun juda qulay.
Eslatib o‘tamiz, Visa Direct bilan bog‘liq barcha operatsiyalar ko‘p bosqichli xavfsizlik tizimi bilan himoyalangan va xalqaro standartlarga to‘liq javob beradi. Xizmat va yangi limitlar haqida qo‘shimcha ma’lumotni bank saytidan yoki bankning eng yaqin bo‘limidan olishingiz mumkin.
Reklama huquqi asosida.
Izoh (0)