Acıbadem tibbiy kompaniyalar guruhi Turkiyada buyrak ko‘chirib o‘tkazish bo‘yicha yetakchi klinika hisoblanadi. Bu yerga butun dunyodan patsiyentlar keladi, ularni bu yerdagi innovatsion jarrohlik usullari, erishilgan muvaffaqiyatli ko‘rsatkichlar va xizmat ko‘rsatishning yuqori sifati o‘ziga jalb qiladi. Oxirgi 10 yilda 3 mingdan ortiq bunday operatsiyalar bajarildi.
Buyrak ko‘chirib o‘tkazish nima uchun kerak?
Har ikki buyrak ishlamay qolganida sog‘liq bilan bog‘liq muammolarni keltirib chiqaradigan zararli moddalar to‘planadi. Bu xavfli holat surunkali buyrak yetishmovchiligi (SBY) bo‘lib, bunda dializ yoki buyrak ko‘chirib o‘tkazish tayinlangan bo‘ladi. Buyrak yetishmovchiligining terminal bosqichi tashxisi qo‘yilgan har bir bemor uning hayot sifatini yaxshilaydigan, hayoti davomiyligini oshiradigan va dializ bilan davolanishdan keyingi sarf-xarajatlarning zaruriyati bo‘lmaydigan transplantatsiya (buyrak ko‘chirib o‘tkazish)ga tekshiruvdan o‘tishi zarur.
Tirik donordan buyrak ko‘chirib o‘tkazish
Afsuski, operatsiyani kutib yotganlar soni vafot etgan donorlardan olinishi mumkin bo‘lgan organlar sonidan oshib ketadi. Buning muqobil varianti — tirik donorning buyragini ko‘chirib o‘tkazish. Kutish vaqtining nisbatan qisqaligi va muvaffaqiyatli operatsiya ko‘rsatkichlarining ancha yuqoriligi — tirik donorlikning asosiy afzalligi. Lekin jarrohlik jarayoni texnik jihatdan ancha murakkab va alohida malaka va tajribani talab qiladi. Acıbadem vrachlari esa bunday malaka va tajribaga ega. 2019-yilda ular 330 dan ortiq tirik donordan buyrak ko‘chirib o‘tkazish operatsiyasini o‘tkazishdi.
Jarrohlik usullari qanday qilib bemor uchun qulaylikni yaxshilaydi?
Oxirgi ilg‘or yo‘nalishlarda ochiq jarrohlikdan kam invaziv jarrohlikka o‘tish to‘g‘risida gapirilmoqda. Acıbadem’da, buyrak ko‘chirib o‘tkazish markazlarida kamroq kesiladigan va chandiqlar ham kamroq bo‘ladigan laparoskopiyadan foydalaniladi. Bunda infeksiya tushish va qon ketish xavfi ancha pasayadi. Lekin Acıbadem klinikasining komandasi donorning buyragini tabiiy teshiklar — ayollarda tug‘ish yo‘llari yoki kindik orqali olib, bu borada yanada olg‘a qadam tashlamoqda. Bu texnologiyalar tufayli donorlar bir sutkadan keyin, retsipiyentlar esa bir haftadan so‘ng odatiy hayot tarziga qaytishi mumkin.
Chappa-rasta (kesishgan) transplantatsiya donorlar safini kengaytiradi
Tirik donori bor, lekin ular (qon guruhi yoki immunologik jihatdan) to‘g‘ri kelmaydigan retsipiyentlardir. Ular uchun yana bitta variant — juft yoki chappa-rasta donorlik ya’ni juftliklar o‘rtasida donorlar bilan almashinuvi.
Ikkitadan ortiq juftlik jalb qilingan buyrak ko‘chirib o‘tkazish operatsiyasi “domino” deb ataladi.
Bolalarda buyrak ko‘chirib o‘tkazish
Bolalar ulardagi rivojlanishning tug‘ma nuqsonlari sababli buyrak ko‘chirib o‘tkazishga muhtoj bo‘lishi mumkin. Bolalarga buyrak ko‘chirib o‘tkazishdagi katta tajriba tufayli Acıbadem’da hatto eng og‘ir holatlarda, ayniqsa, modda almashinuvining ba’zi bir kasalliklarida ham davolash muvaffaqiyatli o‘tadi. Transplantat va retsipiyentlarning yashab ketishi esa 100 foizni tashkil etadi.
Nima uchun aynan Acıbadem’da buyrak ko‘chirib o‘tkazish kerak?
Acıbadem buyrak ko‘chirib o‘tkazish sohasida ko‘plab yutuqlarga erishdi:
- vazni juda kam bo‘lgan bolakayga birinchi marta buyrak ko‘chirib o‘tkazildi;
- birinchi marta 84 yoshli donorda donorlik nefrektomiyasi o‘tkazildi;
- birinchi bir portli donorlik nefrektomiyasi o‘tkazildi;
- transplantatning yashab ketishi 1 yildan so‘ng 99 foiz va beshinchi yilga kelib 94 foizni tashkil etadi;
- donorlik nefrektomiyasi kam invaziv usulda bajariladi;
- murakkab holatlar ekspertizasi o‘tkaziladi;
- sezuvchanligi yuqori patsiyentlar uchun plazmaferez ko‘zda tutilgan.
Turkiyadagi Acıbadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin.
Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy
Telefon: +99895 144 54 45
Shuningdek, rasmiy sayt www.acibadem.com.ru orqali barcha kerakli ma’lumotlarga ega bo‘lishingiz mumkin.
Reklama huquqi asosida.
Izoh (1)
Donir boʻlmoqchiman