Amerikalik aktrisa Ember Xyord o‘z muxlislarini farzandli bo‘lgani haqidagi yangilik bilan hayron qoldirdi. Bu haqda u Instagram’dagi sahifasiga yozib qoldirgan, deb xabar beradi “Korrespondent.net”.
Aktrisa qizini 2021-yilning aprelida surrogat ona dunyoga keltirganini aytib, muxlislarini yanada taajjubga solgan. Qizchaga Gollivud yulduzining 63 yoshida vafot etgan onasi sharafiga Una Peyj Xyord deya ism qo‘yilgan.
Ember Xyord farzandi bilan tushgan suratini e’lon qilgan.
“Mazkur yangilikni sizlar bilan bo‘lishayotganimdan baxtiyorman. To‘rt yil oldin farzandli bo‘lishga qaror qilgan edim. Qizim 2021-yilning 8-aprelida dunyoga keldi. Uning ismi Una Peyj Xyord. U — qolgan umrimning boshlanishi”, — deb yozadi Xyord.
Shifokorlarning aytishicha, Ember o‘zi farzandli bo‘la olmaydi. Bolaning otasi kimligi ochiqlanmagan.
Ma’lumot uchun, amerikalik aktrisaning avvalgi turmushi yakun topgan edi: 2017-yilning yanvarida sud Jonni Depp va Ember Xyordning ajralishi to‘g‘risida qaror qabul qilgan.
Avvalroq “Mo‘jizakor ayol” filmi qahramoni Gal Gadot o‘zining uchinchi farzandini dunyoga keltirib, ko‘p bolali onaga aylangani ma’lum bo‘lgandi.
Izoh (0)