Америкалик актриса Эмбер Хёрд уч ой олдин она бўлганини маълум қилиб, мухлисларини ҳайратга солди

Америкалик актриса Эмбер Хёрд ўз мухлисларини фарзандли бўлгани ҳақидаги янгилик билан ҳайрон қолдирди. Бу ҳақда у Instagram’даги саҳифасига ёзиб қолдирган, деб хабар беради «Korrespondent.net».

Актриса қизини 2021 йилнинг апрелида суррогат она дунёга келтирганини айтиб, мухлисларини янада таажжубга солган. Қизчага Голливуд юлдузининг 63 ёшида вафот этган онаси шарафига Уна Пейж Хёрд дея исм қўйилган.

Эмбер Хёрд фарзанди билан тушган суратини эълон қилган.

«Мазкур янгиликни сизлар билан бўлишаётганимдан бахтиёрман. Тўрт йил олдин фарзандли бўлишга қарор қилган эдим. Қизим 2021 йилнинг 8 апрелида дунёга келди. Унинг исми Уна Пейж Хёрд. У — қолган умримнинг бошланиши», — деб ёзади Хёрд.

Шифокорларнинг айтишича, Эмбер ўзи фарзандли бўла олмайди. Боланинг отаси кимлиги очиқланмаган.

Маълумот учун, америкалик актрисанинг аввалги турмуши якун топган эди: 2017 йилнинг январида суд Жонни Депп ва Эмбер Хёрднинг ажралиши тўғрисида қарор қабул қилган.

Аввалроқ «Мўъжизакор аёл» фильми қаҳрамони Галь Гадот ўзининг учинчи фарзандини дунёга келтириб, кўп болали онага айлангани маълум бўлганди.