O‘zbekistonda qo‘llanilayotgan barcha vaksinalar koronavirusning “hindcha” shtammiga qarshi samarali. Bu haqda taniqli virusolog Dildora Seklerga tayanib, Telegram’dagi “Toshkent shifokorlari” kanali xabar berdi.
“Vaksinalarning delta shtammga qarshi samarasi haqida savolga javob beraman. Ularning barchasi ishlaydi. Bu fakt. Vaksina antitana ishlab chiqaradigan ushbu viruslardagi S-oqsil o‘zgarmaydi, chunki aynan shu Spayk oqsili yordami bilan virus o‘z egasining hujayralariga kiradi. Bu virusga foyda bermaydi, bundan tashqari, u omon qolish maqsadida ko‘payish uchun bizni zararlamaydi”, — deydi Sekler.
Uning so‘zlariga ko‘ra, vaksinalarning samaradorlik foizi kamayishi mumkin, biroq u baribir himoya qilishni davom etadi.
“Inson kasallikni yuqtirib olgan taqdirda ham, vaksinasiz va dastlabki himoya vositalariga qaraganda ancha yengil o‘tishi kerak. Shuningdek, bu borada ilmiy maqolalar ham mavjud”, — deya ta’kidlaydi u.
Eslatib o‘tamiz, O‘zbekistonda 24-iyun kuni koronavirusning “hindcha” shtammi aniqlandi. Nurmat Otabekov “dastlabki laboratoriya tekshiruv natijalari ushbu taxminni katta ehtimol bilan tasdiqlagani”ni ma’lum qildi.
Izoh (0)