Ўзбекистонда қўлланилаётган барча вакциналар коронавируснинг «ҳиндча» штаммига қарши самарали. Бу ҳақда таниқли вирусолог Дилдора Секлерга таяниб, Telegram’даги «Тошкент шифокорлари» канали хабар берди.

«Вакциналарнинг дельта штаммга қарши самараси ҳақида саволга жавоб бераман. Уларнинг барчаси ишлайди. Бу факт. Вакцина антитана ишлаб чиқарадиган ушбу вируслардаги S-оқсил ўзгармайди, чунки айнан шу Спайк оқсили ёрдами билан вирус ўз эгасининг ҳужайраларига киради. Бу вирусга фойда бермайди, бундан ташқари, у омон қолиш мақсадида кўпайиш учун бизни зарарламайди», — дейди Секлер.

Унинг сўзларига кўра, вакциналарнинг самарадорлик фоизи камайиши мумкин, бироқ у барибир ҳимоя қилишни давом этади.

«Инсон касалликни юқтириб олган тақдирда ҳам, вакцинасиз ва дастлабки ҳимоя воситаларига қараганда анча енгил ўтиши керак. Шунингдек, бу борада илмий мақолалар ҳам мавжуд», — дея таъкидлайди у.

Эслатиб ўтамиз, Ўзбекистонда 24 июнь куни коронавируснинг «ҳиндча» штамми аниқланди. Нурмат Отабеков «дастлабки лаборатория текширув натижалари ушбу тахминни катта эҳтимол билан тасдиқлагани»ни маълум қилди.