Prezident Shavkat Mirziyoyev “Yoshlar daftari” orqali o‘z ishini boshlagan Aziza Samig‘ovaga 3 xonali uy sovg‘a qildi. Bu haqda davlat rahbarining matbuot kotibi xabar berdi.
“Ilgari muhtoj bo‘lib, umidsizlikka tushib qolgan, ‘Yoshlar daftari’ orqali o‘z ishini boshlagan Aziza Samig‘ova endi zamonaviy uyda yashaydi”, — deyiladi xabarda. Aziza Samig‘ova o‘zi yashab kelgan uyda tikuvchilik bilan shug‘ullangan.
“Hayotimiz endi yaxshi bo‘lishiga menda ishonch paydo bo‘ldi. Vatanimga kerakli ekanligimni his qildim”, — deydi Samig‘ova.
Avvalroq Dehqonobodda “ayollar daftari” va “yoshlar daftari”ga kiritilgan fuqarolarga 216 ta tikuv mashinasi berilgani, O‘zbekistonda “ayollar daftari” va “temir daftar”ga kirgan oilalarning farzandlari bepul operatsiya qilinishi to‘g‘risida xabar berilgandi.
Izoh (0)