Papadakis Racing poyga jamoasi Toyota Supra avtomobili tramplindan ekstremal sakrashni amalga oshirgani tasvirlangan olti daqiqali videoni e’lon qildi. Mutaxassislar “yostiq” sifatida ulkan karton qutilaridan foydalangan, deb xabar beradi Motor.
The Pitch reklama roligining sujeti bo‘yicha, Gazoo Racing bo‘linmasining poyga sporti mutaxassislari buyurtmachi bilan yangi Toyota Supra’ning imkoniyatlarini namoyish etishning turli variantlarini muhokama qiladi. Mutaxassislar sportkarning driftdagi imkoniyatini alohida ta’kidlaydi, biroq ularning fikricha, bu zamonaviy xaridorlarni hayratda qoldirish uchun yetarli emas. Shunda ekstremallar kupe yordamida tramplindan sakrashga qaror qiladi.
Tryukni bajarish uchun muhandislar maxsus rampa qurgan va Toyota uning yordamida taxminan 30 metr havoda parvoz qilgan. Suratga olish jarayonida sportkarning 340 ot kuchiga ega standart modifikatsiyasi qatnashgan. O‘zgarishga uchragan yagona qismi — qo‘shimcha karkas va haydovchi uchun ko‘p nuqtali xavfsizlik kamari. Bundan tashqari, Supra’ni parvoz davomida barqarorlashtirish uchun sportkar yukxonasiga balast qo‘yilgan. Bu uning tumshuq qismi bilan “yerga sanchilmasligini” ta’minlagan.
Zarbani yumshatish uchun ekstremallar karton qutilarini gorizontal holatda terib chiqqan. Yerga qo‘nish vaqtida sportkarning orqa “podveska”siga jiddiy shikast yetgan va u sinov maydonini evakuator yordamida tark etgan. Shunga qaramay, karton “yostiq” kupeda o‘ta jiddiy oqibatlar yuzaga kelishini bartaraf etgan.
Izoh (0)