Ortiqcha bo‘yoqlardan foydalangani va turli turmaklarni sinab ko‘rgani sochlari to‘kilishiga sabab bo‘lgan yulduzlar haqida ma’lumot berib o‘tamiz.
Naomi Kempbell
Bir necha yillar avval super model Naomining boshining old qismidagi sochlari to‘kilganini yaqqol ko‘rish mumkin bo‘lgan foto tarqalgan. Aftidan, yulduz traksion alopetsiya, ya’ni afrikancha o‘ralganga o‘xshagan soch turmaklari bilan uzoq vaqt yurishning qurboni bo‘lgan chog‘i.
Kira Naytli
Aktrisa intervyularidan birida so‘nggi 5 yildan buyon parik kiyib yurganini tan olgan. U bunga filmlaridagi qahramonlari uchun sochini turli rangga bo‘yashi kerak bo‘lgani va oqibatda sochlari to‘kilganini bildirgan.
Keti Perri
Sochlari bilan muntazam ravishda eksperiment qilgani Ketining sochlari sezilarli darajada to‘kilishiga olib kelgan. Shu sabab ham keyinchalik kalta soch turmagi bilan yurishga qaror qilgan.
Kristina Agilera
Ulama sochlarni o‘rab, bo‘yashdan charchamagan Agilera 2015-yildagi ziyofatlaridan birida boshining old qismi kal bo‘la boshlagani yaqqol ko‘zga tashlanadigan soch turmagi bilan kelgan.
Rianna
Nafaqat tashqi ko‘rinishi, balki sochlari bilan ham eksperiment qilishni yaxshi ko‘rishi xonandaning ko‘rinishida salbiy aks etmay qolmagan. Sochi to‘kilishni boshlagan qo‘shiqchi trixologga murojaat qilishiga to‘g‘ri kelgan. Shifokor unga bir yil davomida sochlarini bo‘yashni taqiqlagan.
Ledi Gaga
Sariq, qoradan tortib jigarranggacha bo‘yab ko‘rgan Gaganing ham sochlari bilan bog‘liq muammo kuzatila boshlagan.
Britni Spirs
Depressiyadan keyin xonandaning sochlari to‘kilib ketgan. Ulama sochlardan foydalanmoqchi bo‘lgan, ammo bu ish bermagan. Keyinroq xatolarini tushunib yetib to‘g‘ri turmush tarzini tanlagan.
Izoh (0)