Go‘zallik qurbonlik emas, balki katta mablag‘ talab etadi. Silliq teri, yaltiroq sochlar, ulama kiprik, ajinlarsiz yuz – bular hali uzoq davom etishi tabiiy. Ammo bularga yulduzlar tomonidan bir oyning o‘zida sarflangan xarajat oddiy insonlarning yillab topadigan daromadiga to‘g‘ri keladi. Jahon yulduzlari o‘zini parvarishlash borasida bir oyda “atigi” qancha sarflashi qiziq bo‘lsa kerak-a? Undan bo‘lsa, hayratlanishga tayyor turing.

Rianna

Rianna, asosan, sochlariga alohida e’tibor qaratadi. U doimiy ravishda soch turmagini yangilab turadi, rangini o‘zgartiradi. Gohida pariklarda namoyon bo‘lsa-da, sochlariga g‘amxo‘rlik qilishni kanda qilmaydi. Ma’lum bo‘lishicha, yulduz haftasiga sochlari uchun 16 ming dollar sarflaydi. Bundan tashqari, oyiga 50 ming dollar mablag‘ni kosmetologiya uchun ajratadi. Shuningdek, teri parvarishi va lifting uchun ham ma’lum miqdorda pul sarf etadi.

Foto: Cosmopolitan

Riannaning parvarish uchun bir oyda sarflagan jami puli 66 ming dollarni tashkil etadi.

Kim Kardashyan

Go‘zallik uchun hech narsani ayamaydigan yana bir yulduz − bu, albatta, Kim Kardashyandir. Balki, u faqat shu xarajatlar uchungina ishlasa kerak. Kardashyan bo‘sh vaqtini hamisha go‘zallik salonida o‘tkazadi. U muntazam ravishda vizajistga kipriklarining parvarishi, kosmetik muolajalarni amalga oshirishi uchun pul to‘laydi. Yulduz bu kichik narsalar uchun oyiga 5 ming dollar sarflaydi. Albatta, plastik operatsiyalardan tashqari. U rinoplastika, liposaksiya va tanasining ayrim qismlarini kattalashtirishga ham ulgurgan. Ma’lum bo‘lishicha, ushbu operatsiyalarning barchasiga 25 ming dollarga yaqin pul sarflagan. Bundan tashqari, u har kuni sochlarini turmaklatadi va buning uchun 500 dollar atrofida to‘laydi.

Foto: Cosmopolitan

Kardashyanning parvarish uchun bir oyda sarflagan jami puli 20 ming dollarni tashkil etadi. Bu kosmetik vositalar xaridisiz, albatta.

Keyt Middlton

Keyt Middlton deyarli har kuni parvarish uchun vaqt ajratadi. Soch turmagi, kosmetolog, vizajist, tishlarni oqartirish xizmatlari kabi. Aniqlanishicha, xonimning go‘zalligi ingliz soliq to‘lovchilariga qanchaga tushishi, taxminan, hisoblab chiqilgan. Va bu raqam barchani ta’sirlantirgani shubhasiz.

Foto: Cosmopolitan

Keytning parvarish uchun bir oyda sarflagan jami puli 40 ming dollarni tashkil etadi.

Anjelina Joli

Joli kosmetologiya, turmak va pardoz uchun haftasiga 15 ming dollar pul sarflaydi. Biroq yulduzning bundan tashqari xarajatlari ham mavjud. Uning terisidagi muammolari tufayli dermatolog va dori-darmon uchun yana mablag‘ sarflashiga to‘g‘ri keladi. Bu esa oyiga 25 ming dollarni tashkil etadi. Chiroyli bo‘lish naqadar oson, agar puling bo‘lsa.

Foto: Cosmopolitan

Jolining parvarish uchun bir oyda sarflagan jami puli 40 ming dollarni tashkil etadi.

Gven Stefani

Gven Stefani manikyurning ashaddiy muxlisi bo‘lib, u tirnoqlariga alohida e’tibor qaratadi. Haftasiga 900 dollarni u faqat tirnoqlari uchun sarflaydi. Bundan tashqari Gven vaqtini yo‘lda o‘tkazmasligi uchun vizajist va kosmetologlarni uyiga chaqirishni afzal ko‘radi va bularning hammasi yana ham qimmatga tushadi.

Foto: Cosmopolitan

Gvenning parvarish uchun bir oyda sarflagan jami puli 4 ming dollarni tashkil etadi.

Gvinet Peltrou

Aktrisa Gvinet Peltrou tashqi ko‘rinishiga juda ehtiyotkorlik bilan yondashadi. U yuz va tana uchun barcha xizmatlardan foydalanadi. U maxsus massaj, plazmolifting va tiklovchi muolajalar yordamida muntazam ravishda sochlariga g‘amxo‘rlik qiladi. Albatta, bularning barchasi pul evaziga amalga oshiriladi.

Foto: Cosmopolitan

Gvinetning parvarish uchun bir oyda sarflagan jami puli 25 ming dollarni tashkil etadi.

Jennifer Eniston

Go‘zallik haqida gap ketganda Jennifer eng tejamkor yulduzlar qatoriga kiradi. Albatta, ayni paytda uning ko‘rinishi ham juda yaxshi. U oyiga “atigi” 10 ming dollar sarflaydi. Bu pulga u soch turmagi, massaj, go‘zallik muolajalarini amalga oshiradi. Bularning barchasi u uchun shunchaki zarur hisoblanadi.

Foto: Cosmopolitan

Jenniferning parvarish uchun bir oyda sarflagan jami puli 10 ming dollarni tashkil etadi.

Britni Spirs

Britni Spirsning internet olamidagi tarqalgan suratlariga qarab, haqiqatan ham uni go‘zallik salonida katta pul sarflashiga ishonish qiyin. Balki, uning kosmetologi vijdonsizdir, degan xulosaga ham mumkin. Ammo Britni go‘zallik sanoatining muxlisi ekanligi ma’lum bo‘ldi. Qo‘shiqchi dekorativ kosmetika uchun yiliga 35 ming dollar sarflaydi. Haqiqiy “byutogolik”!

Foto: Cosmopolitan

Britnining parvarish uchun bir oyda sarflagan jami puli 3,5 ming dollarni tashkil etadi.

Viktoriya Bekxem

Viktoriyaning teri yuzasidagi teshikchalari kattalashgani sababli ko‘p muammo tug‘diradi. Shuning uchun yulduz yaxshi natijaga erishish uchun har qancha pul sarflashga ham tayyor. Vikki haftasiga bir marta kosmetolog huzuriga tashrif buyuradi va bu 15 ming dollarga tushadi.

Foto: Cosmopolitan

Viktoriyaning parvarish uchun bir oyda sarflagan jami puli 60 ming dollarni tashkil etadi.

Devid Bekxem

Xushbichim Devid ham bu borada rafiqasidan qolishmaydi. Uning xarajatlari, albatta, biroz kamtarroq. Ammo boshqa erkaklarga qaraganda u haqiqiy byuti ixlosmandi. Sport zali uchun 2 ming dollar, soch va turmagi uchun, taxminan, 6 ming dollar sarflaydi. Ehtimol, u vaqti-vaqti bilan kosmetologga ham tashrif buyurar.

Foto: Cosmopolitan

Devidning parvarish uchun bir oyda sarflagan jami puli 8 ming dollarni tashkil etadi.