Ортиқча бўёқлардан фойдалангани ва турли турмакларни синаб кўргани сочлари тўкилишига сабаб бўлган юлдузлар ҳақида маълумот бериб ўтамиз.
Наоми Кемпбелл
Бир неча йиллар аввал супермодель Наомининг бошининг олд қисмидаги сочлари тўкилганини яққол кўриш мумкин бўлган фото тарқалган. Афтидан, юлдуз траксион алопеция, яъни африканча ўралганга ўхшаган соч турмаклари билан узоқ вақт юришнинг қурбони бўлган чоғи.
Кира Найтли
Актриса интервьюларидан бирида сўнгги 5 йилдан буён парик кийиб юрганини тан олган. У бунга фильмларидаги қаҳрамонлари учун сочини турли рангга бўяши керак бўлгани ва оқибатда сочлари тўкилганини билдирган.
Кети Перри
Сочлари билан мунтазам равишда эксперимент қилгани Кетининг сочлари сезиларли даражада тўкилишига олиб келган. Шу сабаб ҳам кейинчалик калта соч турмаги билан юришга қарор қилган.
Кристина Aгилeра
Улама сочларни ўраб, бўяшдан чарчамаган Aгилeра 2015 йилдаги зиёфатларидан бирида бошининг олд қисми кал бўла бошлагани яққол кўзга ташланадиган соч турмаги билан келган.
Рианна
Нафақат ташқи кўриниши, балки сочлари билан ҳам эксперимент қилишни яхши кўриши хонанданинг кўринишида салбий акс этмай қолмаган. Сочи тўкилишни бошлаган қўшиқчи трихологга мурожаат қилишига тўғри келган. Шифокор унга бир йил давомида сочларини бўяшни тақиқлаган.
Леди Гага
Сариқ, қорадан тортиб жигарранггача бўяб кўрган Гаганинг ҳам сочлари билан боғлиқ муаммо кузатила бошлаган.
Бритни Спирс
Депрессиядан кейин хонанданинг сочлари тўкилиб кетган. Улама сочлардан фойдаланмоқчи бўлган, аммо бу иш бермаган. Кейинроқ хатоларини тушуниб етиб тўғри турмуш тарзини танлаган.
Изоҳ (0)