Shou-biznes vakillarining orasida ham o‘zi va oila a’zolari uchun shirinlik hamda taom tayyorlab berishni yaxshi ko‘radiganlar yo‘q emas.
Ledi Gaga
Xonandaga pazandalik qondan o‘tgan. Kelib chiqishi italiyalik bo‘lgan otasi restorator bo‘lgani sabab Gaga mehmonlarni o‘zi tayyorlagan pasta bilan mehmon qilishni yaxshi ko‘radi. U tayyorlagan taomni tatib ko‘rgan mashhurlar qo‘shiqchi bu ishning ustasi ekanini ta’kidlaydi. Taom tayyorlashni tinchlanishning eng yaxshi usuli deb hisoblaydigan Gaganing eng sevimli taomi — qovoq va rayhon qo‘shib tayyorlangan italyancha makaron hisoblanadi.
Kemeron Dias
Aktrisalikni tark etgan Dias o‘zini oilasiga bag‘ishlab yangi xobbi — pazandachilik bilan shug‘ullana boshlagan. Ovqat tayyorlashni yaxshi ko‘radigan xonanda bir kunda uch marta taom tayyorlab yaqinlari bilan ulashishni yaxshi ko‘radi.
“Vegetariancha roll” retsepti
Buning uchun 1 dona sabzi, piyoz, nori yaproqlari avokado, zanjabil va brokkolidan tashqari 2-3 qoshiq soya sousi, limon sharbati, uzum sirkasi kerak bo‘ladi.
Tayyorlanish jarayoni:
- Somoncha shaklida to‘g‘ralgan sabzini uzum sirkasiga solib aralashtirib qo‘ying, tuz seping.
- Xuddi shunday aralashmaga dumaloq shaklda to‘g‘ralgan piyozni solib qo‘ying.
- Avokadoni ham somoncha shaklda to‘g‘rang.
- Nori yaprog‘iga avokado, piyoz, sabzi, zanjabil, brokkoli solib chiqing.
- Soya sousiga limon sharbati va suv soling.
- Ustidan aralashmani quying.
- Yaproqlarni o‘rab, limonli sous bilan qo‘shib iste’mol qiling.
Selena aktrisalik va xonandalikdan tashqari Selena+Chef shousini ham olib boradi. Mashhur oshpazlar bilan uy bekalariga to‘g‘ri keladigan tajribalar bilan bo‘lishadigan Gomes pandemiya vaqtida shouni video muloqot tarzida olib borgan. Shuningdek, xonanda nosog‘lom mahsulotlar shokolad, popkorn va yog‘li taomlarni yaxshi ko‘radi.
Jessika Alba
Gollivud yulduzi turmush o‘rtog‘i va farzandlariga mazali taomlar tayyorlab berishni juda ham yaxshi ko‘radi. Yozda pomidor, karam, avokadodan salat tayyorlab, tovuq qanotlarini gril qilib pishiradigan Alba sovuq kunlarda go‘shtni pechda pishirishni afzal biladi. U taom tayyorlash jarayonida ko‘plab ziravor va souslardan foydalanadi. Nafaqat oilasi, balki mehmonlar uchun ham taom tayyorlaydigan Jessika bu unga stresslarni bartaraf qilish uchun yordam berishini ta’kidlaydi.
Jessika Albadan mazali kotletlar retsepti
Buning uchun 1 kg qiyma, qotgan non talqoni, 1 dona sabzi, qovoqcha, tuxum, piyoz, yarim stakan tovuq sho‘rva hamda ziravorlar kerak bo‘ladi.
Tayyorlanish jarayoni:
- Qiymaga, talqon, sabzi, qovoqcha, tuxum va piyoz qo‘shib aralashtiring.
- Sharcha shakliga keltirilgan kotletlarni zaytun yog‘ida qovurib oling.
- Tovuq sho‘rvani solib dimlang.
Kim Kardashyanning opasi sog‘lom ovqatlanishni va oila a’zolari uchun taom tayyorlashni yaxshi ko‘radi. Birinchi farzandi Meyson dunyoga kelganida uning o‘zi sabzavot va mevalardan maxsus taomlar tayyorlab bergan. Bugungi kunda esa oila a’zolariga quymoq, pasta va o‘zi uchun kam kaloriyali taomlar tayyorlaydi.
Kayli Jenner
Kaylining saytida “Kayli bilan birga tayyorlaymiz” nomli bo‘lim bor. U tovuq va shirinliklarni maromiga yetkazib pishiradi.
Kaylidan kapkeyklar retsepti
Buning uchun 200 g sariyog‘, 200 g shakar, 4 dona tuxum, 700 g un, 300 ml sut va 1 ta razrixlitel kerak bo‘ladi.
Tayyorlanish jarayoni:
- Sariyog‘ga shakar, tuxum va un qo‘shib aralashtiring.
- Sut qo‘shing va aralashtirishda davom eting.
- Maxsus qolipchalar ichiga 1 osh qoshiqdan aralashma soling va 200 daraja olovda 20 daqiqa pishirib oling.
- Ustini sevimli kremingiz bilan bezang.
Band ekanligiga qaramay, Riz pazandachilik bilan shug‘ullanishga vaqt topadi va pishirgan taomlari suratini ijtimoiy tarmoqlarga joylab turadi. Whiskey in a teacup nomli kitobida esa mazali lazanya va pechenyelar retsepti bilan bo‘lishadi. Aktrisa sabzavot va mevalardan smuzi tayyorlashni yaxshi ko‘radi. Uni tayyorlash uchun ismaloq, olma, nok, banan va limondan foydalanadi. Mahsulotlarga kokos suvi solib, blenderda aralashtiradi.
Gvinet Peltrou
Sog‘lom turmush tarzi tarafdori bo‘lgan aktrisa “Toza tarelka” nomli retseptlar kitobini taqdim qilgan. U sabzavot, ko‘katlardan foydalanib taom tayyorlashni yaxshi ko‘radi, shuningdek, shirinlik va italyancha taomlarni ham xush ko‘radi. Baliqdan tayyorlanadigan choppino sho‘rvasi u uchun sevimli hisoblanadi.
Izoh (0)