Шоу-бизнес вакилларининг орасида ҳам ўзи ва оила аъзолари учун ширинлик ҳамда таом тайёрлаб беришни яхши кўрадиганлар йўқ эмас.
Леди Гага
Хонандага пазандалик қондан ўтган. Келиб чиқиши италиялик бўлган отаси ресторатор бўлгани сабаб Гага меҳмонларни ўзи тайёрлаган паста билан меҳмон қилишни яхши кўради. У тайёрлаган таомни татиб кўрган машҳурлар қўшиқчи бу ишнинг устаси эканини таъкидлайди. Таом тайёрлашни тинчланишнинг энг яхши усули деб ҳисоблайдиган Гаганинг энг севимли таоми — қовоқ ва райҳон қўшиб тайёрланган итальянча макарон ҳисобланади.
Кемерон Диас
Актрисаликни тарк этган Диас ўзини оиласига бағишлаб янги хобби — пазандачилик билан шуғуллана бошлаган. Овқат тайёрлашни яхши кўрадиган хонанда бир кунда уч марта таом тайёрлаб яқинлари билан улашишни яхши кўради.
«Вегетарианча ролл» рецепти
Бунинг учун 1 дона сабзи, пиёз, нори япроқлари авокадо, занжабил ва брокколидан ташқари 2-3 қошиқ соя соуси, лимон шарбати, узум сиркаси керак бўлади.
Тайёрланиш жараёни:
- Сомонча шаклида тўғралган сабзини узум сиркасига солиб аралаштириб қўйинг, туз сепинг.
- Худди шундай аралашмага думалоқ шаклда тўғралган пиёзни солиб қўйинг.
- Авокадони ҳам сомонча шаклда тўғранг.
- Нори япроғига авокадо, пиёз, сабзи, занжабил, брокколи солиб чиқинг.
- Соя соусига лимон шарбати ва сув солинг.
- Устидан аралашмани қуйинг.
- Япроқларни ўраб, лимонли соус билан қўшиб истеъмол қилинг.
Селена актрисалик ва хонандаликдан ташқари Selena+Chef шоусини ҳам олиб боради. Машҳур ошпазлар билан уй бекаларига тўғри келадиган тажрибалар билан бўлишадиган Гомес пандемия вақтида шоуни видео мулоқот тарзида олиб борган. Шунингдек, хонанда носоғлом маҳсулотлар шоколад, попкорн ва ёғли таомларни яхши кўради.
Жессика Альба
Голливуд юлдузи турмуш ўртоғи ва фарзандларига мазали таомлар тайёрлаб беришни жуда ҳам яхши кўради. Ёзда помидор, карам, авокадодан салат тайёрлаб, товуқ қанотларини грил қилиб пиширадиган Альба совуқ кунларда гўштни печда пиширишни афзал билади. У таом тайёрлаш жараёнида кўплаб зиравор ва соуслардан фойдаланади. Нафақат оиласи, балки меҳмонлар учун ҳам таом тайёрлайдиган Жессика бу унга стрессларни бартараф қилиш учун ёрдам беришини таъкидлайди.
Жессика Альбадан мазали котлетлар рецепти
Бунинг учун 1 кг қийма, қотган нон талқони, 1 дона сабзи, қовоқча, тухум, пиёз, ярим стакан товуқ шўрва ҳамда зираворлар керак бўлади.
Тайёрланиш жараёни:
- Қиймага, талқон, сабзи, қовоқча, тухум ва пиёз қўшиб аралаштиринг.
- Шарча шаклига келтирилган котлетларни зайтун ёғида қовуриб олинг.
- Товуқ шўрвани солиб димланг.
Ким Кардашьяннинг опаси соғлом овқатланишни ва оила аъзолари учун таом тайёрлашни яхши кўради. Биринчи фарзанди Мэйсон дунёга келганида унинг ўзи сабзавот ва мевалардан махсус таомлар тайёрлаб берган. Бугунги кунда эса оила аъзоларига қуймоқ, паста ва ўзи учун кам калорияли таомлар тайёрлайди.
Кайли Женнер
Кайлининг сайтида «Кайли билан бирга тайёрлаймиз» номли бўлим бор. У товуқ ва ширинликларни маромига етказиб пиширади.
Кайлидан капкейклар рецепти
Бунинг учун 200 г сариёғ, 200 г шакар, 4 дона тухум, 700 г ун, 300 мл сут ва 1 та разрихлитель керак бўлади.
Тайёрланиш жараёни:
- Сариёғга шакар, тухум ва ун қўшиб аралаштиринг.
- Сут қўшинг ва аралаштиришда давом этинг.
- Махсус қолипчалар ичига 1 ош қошиқдан аралашма солинг ва 200 даража оловда 20 дақиқа пишириб олинг.
- Устини севимли кремингиз билан безанг.
Банд эканлигига қарамай, Риз пазандачилик билан шуғулланишга вақт топади ва пиширган таомлари суратини ижтимоий тармоқларга жойлаб туради. Whiskey in a teacup номли китобида эса мазали лазаня ва печеньелар рецепти билан бўлишади. Актриса сабзавот ва мевалардан смузи тайёрлашни яхши кўради. Уни тайёрлаш учун исмалоқ, олма, нок, банан ва лимондан фойдаланади. Маҳсулотларга кокос суви солиб, блендерда аралаштиради.
Гвинет Пелтроу
Соғлом турмуш тарзи тарафдори бўлган актриса «Тоза тарелка» номли рецептлар китобини тақдим қилган. У сабзавот, кўкатлардан фойдаланиб таом тайёрлашни яхши кўради, шунингдек, ширинлик ва итальянча таомларни ҳам хуш кўради. Балиқдан тайёрланадиган чоппино шўрваси у учун севимли ҳисобланади.
Изоҳ (0)