Boyib ketishiga uyda o‘tirishi xalaqit qilmagan ayollar haqida ma’lumot berib o‘tamiz.
Joy Mangano
Ushbu ayolning taqdiri haqida “Joy” nomli film ekran yuzini ko‘rgandan keyin hamma ma’lumotga ega bo‘lgan. Turmush o‘rtog‘i bilan ajrashgan Mangano ixcham kvartirada uch nafar farzandi bilan yolg‘iz qolgan. Avvaliga ish topishga uringan ayolning mushkul vaziyatdan chiqishiga xayoliga kelgan ajoyib fikr sabab bo‘lgan. U suvini siqish uchun qo‘llar bilan lattaga teginishga hojat bo‘lmagan polyuvgich o‘ylab topgan. Oradan bir necha oy o‘tib esa ro‘zg‘or buyumlari o‘rin olgan do‘kon ichishga muvaffaq bo‘lgan. Ammo ushbu biznesidan deyarli daromad kelmaydi. Shundan keyin auditoriyasini aniqlab, teledo‘kon bilan shartnoma tuzadi. Teleekran orqali o‘z mahsulotining afzalliklari haqida aytib berganidan keyin, 18 ming dona polyuvgich sotib olinadi. Shu yo‘sinda davom etganidan Joy 2 yil o‘tib yillik daromadi 1 million dollarni tashkil qiladigan kompaniya egasiga aylanadi. Bu bilan cheklanib qolmagan Mangano uyni xushbo‘y qiladigan vositalar, qisqichli va sirpanmaydigan kiyim ilgichlar hamda boshqa kerakli buyumlarni ishlab chiqaradi.
Kim Levin
Bosh va bo‘yin mushaklari uchun foydali bo‘ladi, deb yostiq ichiga jo‘xori donini solish xayoliga kelgan Kim unda yotish qulay bo‘lishini tushunib yetgan. Keyinchalik bunday yostiqni qizdirish yanada yaxshi samara berishiga guvoh bo‘lgan. Do‘st va qarindoshlariga sovg‘a qilib ulashganidan keyin mahsulotini reklama qilishga kirishgan.
Tuzilgan shartnomadan keyin omadi kelgan Levin tushgan daromadini mahsulotini takomillashtirish va mashhur bo‘lishiga sarflagan. Bugungi kunda u millionlab mablag‘ keltiradigan kompaniyaning egasi hisoblanadi. Uning yillik daromadi 700 million dollarni tashkil qiladi.
Sheri Shmelser
Sherining farzandlari teshikli shippaklarni yaxshi ko‘rgan. Ayol bolalarining poyabzallarini qiziqarli qilishni istab, teshiklarni turli narsalar, avvaliga gul, keyin tugma hamda loydan yasalgan shakllar bilan bezagan. Bunday poyabzallarni bolalari maktabga kiyib borganidan keyin boshqa ota-onalar ham undan farzandlarining poyabzallarini shunday bezab berishni iltimos qilgan. Yerto‘lasida ishlab chiqarishni yo‘lga qo‘ygan ayol jibbits deb atagan ijod namunasining bir donasini 3 dollarga sotgan. Oradan bir yil o‘tib, dunyo bo‘yicha shunday oyoq kiyimlardan 8 millionta xarid qilingan. Shmelser esa o‘z mahsulotini Crocs kompaniyasiga 20 million dollar evaziga sotib yuborgan.
Tatyana Bakalchuk
Uy bekasi bo‘lgan Tatyana o‘z xonadonida bolalarga ingliz tilidan dars o‘tgan. Farzandli bo‘lganidan keyin esa uyda o‘quvchi qabul qilishning iloji bo‘lmagan. Internet orqali savdo qilish Rossiyada hali yo‘lga qo‘yilmagan bir vaqtda ayol bu ishni amalga oshirishga harakat qilib ko‘rgan. U hech nima ishlab chiqarmagan, shunchaki bir savdogardan olgan mollarini internetda sotishga uringan. Turmush o‘rtog‘i qo‘llab-quvvatlagan ayol bir yil o‘tib Rossiyadagi ilk onlayn do‘kon Wildberries’ning egasiga aylangan. Biznesi.ru domenidagi eng qimmat kompaniyalar reytingidan o‘rin olgan Bakalchuk Bloomberg Billionaires Index ma’lumotlariga ko‘ra Rossiyaning eng badavlat rossiyalik ayollar Top 15 ro‘yxatidan o‘rin olgan. Uning moliyaviy ahvoli 10,1 milliard dollarga baholanadi.
Izoh (0)