Ijtimoiy tarmoqlarda Xiaomi Mi 12 Ultra’ga oid ilk mish-mishlar tarqaldi. GizChina ma’lumotlariga ko‘ra, smartfon Snapdragon 895 protsessori o‘rnatiladigan dunyodagi birinchi qurilmaga aylanadi.
Internetda yangi flagman haqida boshqa ma’lumotlar ham tarqalgan. Xususan, Xiaomi Mi 12 Ultra 2K sifatli ekran tavsifini saqlab qoladi, biroq 1—120 gertsli yangilanish chastotasiga ega adaptiv LTPO-displeyga ega bo‘ladi. Bu displeyning yangilanish chastotasi avtomatik ravishda 1 dan 120 gertsgacha diapazonda smartfondan foydalanish ssenariyasidan kelib chiqib boshqarilishini bildiradi. Bu qurilmaga quvvatni sezilarli darajada tejash imkonini beradi.
Taxminlarga ko‘ra, Mi 12 Ultra’ga sig‘imi 5000 mA/soatdan kattaroq akkumulyator o‘rnatiladi.
Shuningdek, smartfon kamerasida siljiydigan yoki buraladigan ekran osti kamera konstruksiyasiga ega bo‘ladi — kompaniyaning bu borada ko‘plab patentlari mavjud. Bundan tashqari, Xiaomi Mi 12 Ultra IP68 standarti bo‘yicha chang va namlikdan himoyalanadi, ikkitalik stereodinamik, ko‘p funksiyali NFC va infraqizil portga ega bo‘ladi.
Eslatib o‘tamiz, Xitoyning Xiaomi kompaniyasi yangi Mi 11 smartfonini 2020-yil dekabrida taqdim etgandi. Mazkur gadjet Snapdragon 888’da ishlaydigan ilk smartfonga aylangan edi.
Izoh (0)