ZTE kompaniyasi Axon 30 seriyasiga kiruvchi qurilmalarining kamerasiga katta e’tibor qaratmoqda, deb xabar beradi Hi-Tech.Mail.ru. Smartfonlar taqdim etilishiga bir necha kun qoldi va kompaniya Axon 30 Ultra modeli Super Moon Ultra rejimida ishlashini tasdiqlagan.

Foto: Hi-Tech.Mail.ru

Osmon jismlari yoki tungi osmon sohalarini suratga olishga mo‘ljallangan maxsus rejim — bu smartfonlardagi yangi funksiya emas, biroq ZTE Axon 30 Ultra’da uni yangi darajaga ko‘taradigan ko‘rinadi. Bu qurilmaga raqiblarini ortda qoldirish imkonini beradi.

Kompaniyaning ma’lum qilishicha, Super Moon Ultra rejimiga ega smartfon Oy va boshqa kosmik obyektlarning aniq tasvirini uzatish uchun bir nechta kameralar sinxronizatsiyasidan foydalanadi. Bundan tashqari, ta’kidlanishicha, ZTE Axon 30 Ultra inson ko‘zi bilan ko‘rish mumkin bo‘lgan ideal oy yog‘dusini hosil qiladi. Quyidagi suratlar kompaniya tomonidan taqdim etilgan:

Foto: ZTE

Foto: ZTE

Smartfon asosiy kamerasi uchta obyektivga ega bo‘ladi: 64 megapikselli keng burchakli, 64 megapikselli o‘ta keng burchakli, 5 karrali optik zumga ega 8-megapikselli periskopik obyektivga qo‘shimga ravishda 64 megapikselli portret fokus obyektivi.

Qurilma displeyi esa 120 gerts yangilanish chastotasiga ega 6,92 dyuymli OLED-ekran hisoblanadi. Shuningdek, yangi seriyadagi ikkala model ham ekran 44 megapikselli ikkinchi avlod ekran osti frontal kamerasiga ega bo‘ladi.

Avvalroq iPhone 12 Pro Max flagmani Apple’ning eng yaxshi “kamerafon”iga aylangani, biroq u DxOMark reytingida to‘rtinchi o‘rinni egallagani to‘g‘risida xabar berilgandi.